World Cup Semifinal: वर्ल्ड कप नॉकआउट्समध्ये विराट फेल, किंग कोहलीचे आकडे पाहून धक्का बसेल

साखळी सामन्यात भारतीय संघाने शानदार कामगिरी केली. यामध्ये विराट कोहलीचा सिंहाचा वाटा आहे. विराट कोहलीने जवळपास 600 धावा केल्या आहेत. पण विराट कोहलीबाबत चिंताजनक आकडे समोर आलेत.

virat kohli

Virat Kohli In World Cup Knockouts : आतापर्यंत विश्वचषकाच्या नॉकआऊट सामन्यात विराट कोहलीची बॅट शांत राहिली आहे. त्यामुळे भारतीय चाहते चिंतेत आहेत.

विराट कोहलीने विश्वचषकाचे सहा नॉकआऊट सामने खेळले आहेत. त्यामधील चार डावात विराट कोहलीला दुहेरी धावसंख्याही ओलांडता आली नाही.

वनडे नॉकआऊट सामन्यात विराट कोहलीची सर्वोच्च धावसंख्या 35 इतकी आहे. जो 2011 च्या विश्वचषकात श्रीलंकेविरोधात केला होता.

दोन नॉकआऊट सामन्यात विराट कोहली फक्त एक एक धाव करुन बाद झालाय. तर एका सामन्यात नऊ आणि एका सामन्यात 9 धावा केल्या आहेत.

वनडे विश्वचषकाच्या नॉकआऊट सामन्यात विराट कोहलीला आतापर्यंत एकही अर्धशतक ठोकता आले नाही.

विराट कोहली आतापर्यंतची आपली खराब आकडेवारी बदलण्यासाठी 15 तारखेला मैदानात उतरेल. न्यूझीलंडविरोधात तो मोठी खेळी करेल अशी आशा आहे.