IND vs SL 1st T20: पहिल्या टी 20 मॅचमध्ये कुणाला संधी, सूर्याच्या ड्रीम टीममध्ये कोण असणार, संजू संघाबाहेर राहणार?

India vs Sri Lanka : भारत आणि श्रीलंका यांच्यातील पहिली टी 20 मॅच 27 जुलै रोजी होणार आहे. या मॅचमध्ये भारताचं नेतृत्व सूर्यकुमार यादव करणार आहे.

सूर्याच्या ड्रीम टीममध्ये कुणाला संधी मिळणार?

भारत आणि श्रीलंका यांच्यातील पहिली टी 20 मॅच पल्लेकेले मध्ये खेळवली जाणार आहे. मुख्य प्रशिक्षक गौतम गंभीरची पहिली मालिका असेल. सूर्यकुमार यादव देखील पूर्णवेळ कॅप्टन म्हणून संघाची सूत्रं हाती घेईल.

भारत सलामीला यशस्वी जयस्वाल आणि शुभमन गिलला संधी देईल. दोघांनी झिम्बॉब्वे दौऱ्यात चांगली कामगिरी केली आहे. शुभमन गिल या मालिकेत भारतीय संघाचा उपकॅप्टन आहे.