Pune news : संजय राऊतांविरोधात शिवसेनेचं जोडे मारो आंदोलन, फोटोला काळं फासलं....

पुण्यातील गुडलक चौकात संजय राऊतांविरोधात शिवसेनेने जोडे मारो आंदोलन केलं.

Sanjay Raut

खासदार श्रीकांत शिंदे यांच्या बाबतीत संजय राऊत यांनी बेताल वक्तव्य केल्यानंतर पुणे शहर शिवसेना, युवासेना आक्रमक झाली.

संजय राऊतला वेड्याच्या इस्पितळात भरती करणार असल्याची तिखट प्रतिक्रिया प्रमोद नाना भानगीरे यांनी दिली.

पुण्यातील गुडलक चौकात संजय राऊतांविरोधात शिवसेनेने जोडे मारो आंदोलन केलं.

त्यांच्या चेहऱ्याला काळं फासून मोठ मोठ्याने घोषणाबाजी करण्यात आली.

ज्याप्रमाणे ते माईकवर थुंकलेत येणाऱ्या निवडणुकीत मतदार मतपेटीतून संजय राऊतच्या तोंडावर थुंकतील, अशा टीका शिवसैनिकांनी केली आहे.

कोणतेही काम नसलेल्या संजय राऊत यांच डोकं ठिकाणावर नसून माध्यमांनी त्यांना महत्त्व देऊ नये प्रत्येक वेळेस बेताल वक्तव्य करून ते महाराष्ट्राच्या जनतेला वेठीस धरतात, असा आरोपही शिवसैनिकांनी केला आहे.

त्यांनी माफी मागावी, अशी मागणीदेखील शिवसैनिकांनी केली आहे.

पुणे शहर प्रमुख प्रमोद नाना भानगिरे,सह संपर्कप्रमुख अजय बापू भोसले,युवासेना राज्यसचिव किरण साळी, जिल्हाप्रमुख रमेश बाप्पू कोंडे, युवासेना शहरप्रमुख निलेश गिरमे,युवासेना जिल्हाप्रमुख निलेश घारे,माथाडी जिल्हाप्रमुख निलेश माझीरे,शहर संघटक श्रीकांत पुजारी,महिला आघाडी अध्यक्षा लीनाताई पानसरे,महिला शहर प्रमुख पूजा रावेतकर,युवासेनेचे आकाश शिंदे,उपशहर प्रमुख सुधीर कुरुमकर,संजय डोंगरे, विकास भांबुरे,राजाभाऊ भिलारे,सचिन थोरात,नितीन लगस, गौरव साइनकर,महिला संघटिका श्रद्धा शिंदे व असंख्य शिवसैनिक उपस्थित होते.