Pune Fire : पुणे रेल्वे जंक्शन यार्डातील रिकाम्या डब्याला लागली आग,अग्निशमन दलाच्या जवानांनी आग आणली आटोक्यात

Pune Fire : पुणे रेल्वे जंक्शन यार्डातील रिकाम्या डब्याला लागली आग,अग्निशमन दलाच्या जवानांनी आग आणली आटोक्यात

पुणे रेल्वे जंक्शन यार्डातील एका रिकाम्या डब्याला आग लागली. ही आग इतकी भीषण होती की, या घटनेत आजूबाजूच्या इतर दोन डब्यांचेही नुकसान झाले. अग्निशमन दलाच्या चार गाड्या आणि अग्निशमन दलाच्या जवानांनी आग आटोक्यात आणली.

या घटनेत कोणतीही जीवितहानी झाली नाही. आगीचे कारण अजून समजू शकलेलं नाही. ही घटना 13 फेब्रुवारी रोजी मध्यरात्री 1 वाजून 58 मिनिटांनी घडली. (Photo Credit : ABP Majha, Pune reporter)

कंप्रेसर रूम क्रमांक 4 रेल्वेजवळ ही घटना घडली असून परिसरात असलेल्या तीन डब्यांपैकी एका डब्याला आग लागल्याची माहिती समोर आली आहे. अनेक दिवसांपासून हे डबे या ठिकाणी पडून आहेत. (Photo Credit : ABP Majha, Pune reporter)

अग्निशमन दलाच्या जवानांनी आधी वीजपुरवठा खंडित केला आणि त्यानंतर आग आटोक्यात आणण्यास सुरुवात केली. 30 मिनिटांत आग विझवण्यात आली. (Photo Credit : ABP Majha, Pune reporter)

दरम्यान, रेल्वे कर्मचाऱ्यांनी इतर दोन डबे सुरक्षित स्थळी आणले. विजय भिलारे यांच्या मार्गदर्शनाखाली अग्निशमन दलाच्या 20 जवानांनी आग आटोक्यात आणली.(Photo Credit : ABP Majha, Pune reporter)

घटनास्थळी पोहोचताच ठिकाणी क्वीन्स गार्डनच्या पाठीमागील बाजूकडे (कॉम्प्रेसर रुमनजीक) क्रमांक चार रेल्वे मार्ग येथे बऱ्याच दिवसापासून उभ्या स्थितीत असलेल्या रेल्वेच्या तीन डब्ब्यापैंकी मधल्या एका डब्ब्याला आग लागल्याचे निदर्शनास आलं.(Photo Credit : ABP Majha, Pune reporter)

तेथील विद्युत विभागाशी संपर्क साधून विद्युत प्रवाह बंद करण्याच्या सूचना देत जवानांनी लगेच पाण्याचा मारा सुरू केला. आतमध्ये कोणी प्रवासी अथवा रेल्वे कर्मचारी नसल्याची खात्री केली आणि सुमारे अर्धा तासात आगीवर नियंत्रण मिळवत पुढे कुलिंग ऑपरेशन सुरू ठेवलं. (Photo Credit : ABP Majha, Pune reporter)

रेल्वे कर्मचारी यांच्या मदतीने इतर दोन डबे सुरक्षित ठिकाणी नेत धोका दूर केला. त्यानंतर आगीवर सतत पाण्याचा मारा सुरू ठेवत आग पुर्ण विझवली.(Photo Credit : ABP Majha, Pune reporter)

दलाची मदत पोहोचण्यापुर्वी रेल्वे कर्मचारी यांनी उपलब्ध असणाऱ्या छोट्या नळीच्या साह्याने पाणी मारत आग विझवण्याचे प्रयत्न केले. घटनास्थळी रेल्वे पोलिस विभागाची मदत उपस्थित होती. (Photo Credit : ABP Majha, Pune reporter)

आग कशामुळे लागली याचे कारण समजू शकले नाही. या घटनेत कोणतीही जिवितहानी झाली नसून जळालेल्या एका डब्याचं पुर्ण नुकसान झालं आहे.(Photo Credit : ABP Majha, Pune reporter)