Mumbai Car Fire: मुंबईच्या पश्चिम द्रुतगती महामार्गावर 'बर्निंग कार'चा थरार; चालक थोडक्यात बचावला, PHOTO

Mumbai Car Fire: मुंबईच्या पश्चिम द्रुतगती महामार्गावर भरधाव वेगाने जाणाऱ्या कारला भीषण आग लागल्याची घटना घडली.

Mumbai Car Fire

मुंबईच्या पश्चिम द्रुतगती महामार्गावर बोरीवलीतील देवीपाडा मेट्रो स्टेशनखाली एका धावत्या कारला मोठी आग लागली.

ही घटना आज (01 नोव्हेंबर) सकाळी अंदाजे सहा वाजण्याच्या सुमारास घडली.

अंधेरीकडून दहिसरच्या दिशेने जाणाऱ्या मार्गावर देवीपाडा मेट्रो स्टेशनखाली कारला अचानक आग लागली.

आगीची माहिती मिळताच अग्निशमन दलाच्या दोन गाड्या घटनास्थळी दाखल झाल्या.

अग्निशमन दलाने सुमारे 15 ते 20 मिनिटांच्या अथक प्रयत्नांनंतर आगीवर पूर्ण नियंत्रण मिळवले.

सुदैवाने कारचालकाने तत्परतेने वाहन थांबवून बाहेर पडल्याने कोणतीही जीवितहानी झाली नाही.

मात्र, या घटनेत संपूर्ण कार जळून खाक झाली असून वाहनाचे मोठे नुकसान झाले आहे.

आग लागण्याचे नेमके कारण अद्याप स्पष्ट झालेले नाही.

या घटनेचा अधिक तपास कस्तुरबा मार्ग पोलीस आणि अग्निशमन दलाचे अधिकारी करत आहेत.

या घटनेमुळे महामार्गावर काही काळ वाहतूक कोंडी झाली होती.