चोहिकडे हिरवळ, धुक्याची चादर अन् फेसाळलेले धबधबे; महाराष्ट्राची चेरापुंजी असलेल्या आंबोलीत पर्यटकांची गर्दी

Maharashtra Monsoon Updates: महाराष्ट्राची चेरापुंजी म्हणून ओळखला जाणारा आंबोली घाट

Maharashtra Monsoon Updates

महाराष्ट्राची चेरापुंजी म्हणून ओळख असलेल्या आंबोलीत विकेंडची सुट्टी असल्यामुळे पर्यटकांची मोठी गर्दी झाली आहे.

वर्षा पर्यटनाला पर्यटकांची आंबोलीला नेहमीच पसंती असते.

त्यामुळे मोठ्या संख्येने राज्यासहित परराज्यातील पर्यटक आंबोलीत दाखल झाले आहेत.

आंबोलीत मुख्य धबधबा, कावळेसाद पॉईंट, हिरण्यकेशी नदीचा उगम, महादेगड पॉइंट, नागरतास धबधबा याठिकाणी पर्यटक गर्दी करू लागले आहेत.

पर्यटक ठिकठिकाणी थांबून पर्यटनाचा आनंद लुटत आहेत.

सध्या आंबोलीत दाट धुक्याची चादर पसरली असून निसर्गाचं वेगळचं रूप पाहायला मिळत आहे.

स्वर्गसुख मिळाल्याचा आनंद मिळाल्याचं सांगत पर्यटक निसर्ग सौंदर्य अनुभवत आहेत.