Himachal Pradesh Landslide : शिमल्यातील शिव मंदिर कोसळलं, 9 जणांचा मृ्त्यू; अद्यापही काही जण ढिगाऱ्याखाली अडकलेले

Shimla landslide : हिमाचल प्रदेशची राजधानी शिमला येथे एक मोठी दुर्घटना घडली आहे. मुसळधार पावसामुळे येथील शिव मंदिर कोसळलं आहे.

Himachal Pradesh Shimla landslide

मुसळधार पावसामुळे शिमल्यामध्ये भूस्खलन होऊन अनेक लोक ढिगाऱ्याखाली गाडले गेले आहेत. (PC:PTI)

या दुर्घटनेत आतापर्यंत 9 जणांचा मृत्यू झाला असून अद्यापही 25 ते 30 लोक ढिगाऱ्याखाली अडकल्याची माहिती समोर येत आहे. ही घटना शिमल्याच्या समरहिल भागात घडली. (PC:PTI)

हिमाचलचे मुख्यमंत्री सुखविंदर सिंग सुखू यांनी दिलेल्या माहितीनुसार, शिव मंदिराच्या ढिगाऱ्याखालून आतापर्यंत नऊ मृतदेह बाहेर काढण्यात आले आहेत. अजूनही काही जण ढिगाऱ्याखाली अडकल्याची भीती व्यक्त करण्यात येत आहे. (PC:PTI)

श्रावणी सोमवार असल्याने मोठ्या संख्येने भाविक मंदिरात पोहोचले होते. दुसरीकडे, शिमल्याच्या लाल कोठीमध्ये भूस्खलनामुळे मोठी दुर्घटना घडण्याची शक्यता व्यक्त करण्यात येत आहे. (PC:PTI)

शिव मंदिराच्या ठिकाणी ढिगाऱ्याखाली काही लोक अडकले असल्याची भीती व्यक्त करण्यात येत आहेत. परिसरात बचावकार्य सुरू आहे. (PC:PTI)

मिळालेल्या माहितीनुसार, सकाळी सात वाजेच्या सुमारास ही दुर्घटना घडल्याची माहिती समोर येत आहे. (PC:PTI)

मंदिरामध्ये भक्त पूजा करण्यासाठी पोहोचली होते, त्यावेळी ही दुर्घटना घडली. (PC:PTI)

या परिसरात अद्यापही दरडी कोसळण्याच्या घटना सुरुच असल्याने बचावकार्यात अडथळे येत आहेत. स्थानिकांच्या मते, अनेक लोक ढिगाऱ्याखाली अडकले असल्याचं बोललं जात आहे. (PC:PTI)

हिमाचल प्रदेशात मुसळधार पावसामुळे अनेक भागात पूर आणि भूस्खलनासारखी परिस्थिती निर्माण झाली आहे. राज्यात बियास नदीला पूर आला आहे. (PC:PTI)

मीडिया रिपोर्टनुसार, हिमाचल प्रदेशात अतिवृष्टी आणि पुरामुळे 20 हून अधिक लोकांचा मृत्यू झाला आहे. नैसर्गिक आपत्तीचा तडाखा बसलेल्या मंडी जिल्ह्यात गेल्या 3 दिवसांपासून 13 जणांचा मृत्यू झाला आहे. यानंतर सोलन जिल्ह्यात सात मृत्यूची नोंद झाली आहे. (PC:PTI)