रात्रभर ब्रा घालणे आरोग्यासाठी फायद्याचे की हानिकारक?

शरीर झोपेत विश्रांती घेतं, त्या वेळी घट्ट कपडे किंवा ब्रा घातल्याने त्वचेला व रक्तप्रवाहाला अडथळा निर्माण होऊ शकतो.

ब्रा

अनेक महिलांना असा गैरसमज असतो की रात्रभर ब्रा घालून झोपल्याने ब्रेस्टचा आकार टिकून राहतो आणि सैलपणा येत नाही.

मात्र, डॉक्टर आणि तज्ज्ञ सांगतात की हे फक्त एक myth आहे. शरीर झोपेत विश्रांती घेतं, त्या वेळी घट्ट कपडे किंवा ब्रा घातल्याने त्वचेला व रक्तप्रवाहाला अडथळा निर्माण होऊ शकतो.

विशेषत: अंडरवायर ब्रा किंवा टाईट फिटिंग ब्रा घातल्यास छातीभोवतीचा भाग दाबला जातो, ज्यामुळे त्वचेवर लालसरपणा, खाज, चट्टे किंवा रॅशेस होऊ शकतात. काही महिलांमध्ये श्वासोच्छवासातही त्रास जाणवतो.

तज्ज्ञांच्या मते, झोपताना शरीराला आराम आणि श्वास घेण्यासाठी जागा मिळणे आवश्यक आहे.

त्यामुळे रात्रभर ब्रा न घालणे हे आरोग्यासाठी अधिक फायदेशीर ठरते.

जर कोणाला ब्रा न घालता झोपण्यात अस्वस्थ वाटत असेल, तर मऊ कॉटनची, नॉन-वायर आणि सैल फिट असलेली स्लीप ब्रा वापरणे उत्तम ठरते.

तसेच, रात्री ब्रा न घातल्याने त्वचेला हवेचा स्पर्श मिळतो, घाम कमी येतो आणि त्वचेवरील बुरशीजन्य संसर्ग टाळता येतो.

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )