Vastu Tips : रात्री शांत झोप हवीय? बेडची चुकीची दिशा तर कारण नाही ना? झोपण्यापूर्वी 'ही' गोष्ट नक्की तपासा...वास्तूशास्त्रात म्हटलंय...

Vastu Tips : वास्तुशास्त्रानुसार, चुकीच्या दिशेला ठेवलेल्या पलंगावर झोपल्याने नकारात्मक ऊर्जेच्या पातळीत मोठी वाढ होते. अनेकदा मनात एक प्रकारची अस्वस्थता आणि भीती जाणवत राहते.

Vastu Tips

Source : ABP WEB TEAM

Vastu Tips : वास्तुशास्त्र आणि विज्ञान या दोन्ही गोष्टी मान्य करतात की, चुकीच्या दिशेला डोके ठेवून झोपल्यास आरोग्यावर वाईट परिणाम होतो. यामुळे मानसिक तणाव वाढतो, परिणामी झोप लागणं कठीण होतं. वास्तुशास्त्रानुसार (Vastu Shastra), चुकीच्या दिशेला ठेवलेल्या पलंगावर झोपल्याने नकारात्मक ऊर्जेच्या पातळीत मोठी वाढ होते. अनेकदा मनात एक प्रकारची अस्वस्थता आणि भीती जाणवत राहते. अशा वेळी, आपला पलंग योग्य दिशेला ठेवणं गरजेचं आहे. यामुळे मानसिक तणाव कमी होण्यास मदत होते आणि रात्रीची शांत झोप मिळते. वास्तुशास्त्रानुसार पलंग ठेवण्यासाठी कोणती दिशा योग्य आहे, हे जाणून घेऊयात. 

पलंग ठेवण्याची योग्य दिशा 

वास्तुशास्त्रानुसार, झोपताना तुमचं डोकं दक्षिण किंवा पूर्व दिशेला तर, पाय उत्तर किंवा पश्चिम दिशेला असतील अशा प्रकारे तुमच्या बेडरूममधील पलंग ठेवला पाहिजे जर तुम्ही तुमचा पलंग अशा पद्धतीने ठेवला, तर तुम्हाला जाणवणाऱ्या झोपेशी संबंधित समस्या कमी होतील. 

दक्षिण दिशेला डोकं ठेवून झोपणं योग्य 

वास्तूनुसार, झोपताना डोके दक्षिण दिशेला असणे सर्वोत्तम मानले जाते. वैज्ञानिक दृष्टिकोनातून पाहिल्यास, या दिशेला डोके ठेवून झोपल्यामुळे शरीरातील रक्ताभिसरण संतुलित राहण्यास मदत होते, ज्यामुळे गाढ झोप लागते आणि तणाव कमी होतो.

पूर्व दिशेलासुद्धा डोकं करुन झोपू शकता

दक्षिणेव्यतिरिक्त, पूर्वेकडे डोके करून झोपणे देखील अत्यंत उत्तम मानले जाते. असे म्हटले जाते की, या दिशेला डोके करून झोपल्याने एकाग्रता आणि स्मरणशक्ती वाढते.

चुकूनही 'या' दिशेला ठेवू नका पलंग 

झोपताना कधीही आपले डोके उत्तरेकडे करून झोपू नये. वास्तुशास्त्राच्या दृष्टीनेच नव्हे, तर वैज्ञानिक दृष्टिकोनातूनही हे चुकीचं आहे. वैज्ञानिक आणि वास्तुतज्ज्ञांच्या मते, जेव्हा तुम्ही डोके उत्तरेकडे करून झोपता, तेव्हा पृथ्वीचा उत्तर ध्रुव आणि मानवी शरीरातील चुंबकीय ध्रुव एकमेकांना दूर ढकलतात ज्यामुळे मेंदूवर मोठा ताण निर्माण होतो. यामुळे निद्रानाश, सतत होणारी डोकेदुखी, वाईट स्वप्न आणि हृदयाशी संबंधित आजारांचा धोका वाढू शकतो. तसेच, पश्चिमेकडे डोके करून झोपणं अशुभ मानलं जातं; यामुळे आळस येतो. 

बेडरुममध्ये पलंग ठेवताना 'या' गोष्टींची काळजी घ्या 

• बेडला कधीही दरवाजाच्या समोर ठेवू नये. 
• बेडवर कधीच औषधं ठेवून झोपू नका 
• बेडचे डोक्याकडील टोक दक्षिण किंवा पूर्व भिंतीच्या दिशेला असावे. याव्यतिरिक्त, पलंगाच्या इतर तीन बाजूंना काही जागा मोकळी सोडली पाहिजे.
• तुमच्या बेडखाली कोणतीही अनावश्यक वस्तू ठेवू नका, कारण त्यामुळे झोप लागणे कठीण होऊ शकते.
• बेडच्या समोर आरसा ठेवू नये. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर महत्त्वाच्या बातम्या :