PHOTO : महाराष्ट्राची लाडकी विनोदवीर जोडी! भारत गणेशपुरे-सागर कारंडेचे हिंदी टीव्ही विश्वात दमदार पदार्पण!

Sagar Karande, Bharat Ganeshpure

सोनी एन्टरटेन्मेंट टेलिव्हिजनवरील ‘इंडियाज लाफ्टर चॅम्पियन’ म्हणजे भारतीय प्रेक्षकांसाठी वीकएंडची पर्वणीच आहे! 11 जून पासून सुरू झालेला हा शो, त्यातील मजेदार कंटेन्टमुळे प्रेक्षकांच्या आकर्षणाचे केंद्र बनत चालला आहे.

अर्चना पूरण सिंह आणि शेखर सुमन या शोमध्ये परीक्षणाचे काम करत असून, या शोमध्ये दर आठवड्याला नवे नवे स्पर्धक येतात आणि उपान्त्यपूर्व फेरीत पोहोचण्याच्या उमेदीने आपले धमाल अॅक्ट सादर करतात.

या व्यतिरिक्त, प्रत्येक भागात या धमाल-आनंदात भर घालायला एका प्रसिद्ध विनोदवीराला सरपंच म्हणून आमंत्रित करण्यात येते.

या भागात इतर स्पर्धकांसोबत मुंबईच्या विनोदवीरांची प्रसिद्ध जोडी अभिनेता भारत गणेशपुरे आणि अभिनेता सागर कारंडे या शोमध्ये स्पर्धक म्हणून येणार आहे.

या जोडीचं धमाल सादरीकरण पाहून प्रभावित झालेली परीक्षक अर्चना पूरण सिंह म्हणाली की, ‘तुमचा अॅक्ट तर अफलातून होताच, पण त्याहीपेक्षा जबरदस्त तुमची जोडी जबरदस्त आहे. तुम्ही दोघे धमाल एन्टरटेनर आहात आणि तुम्ही माझे चांगलेच मनोरंजन केलेत. मला खूप मजा आली.’

अर्चना पूरण सिंहने तर त्या दोघांची तुलना मुंबईच्या वडापावशी केली. त्यांच्या जुगलबंदीला दाद देत ती म्हणाली, की ते दोघे एकमेकांशिवाय अपूर्ण आहेत.