PHOTO : पहिल्याच चित्रपटाने उजळलं अभिनेत्रीचं नशीब, KGFच्या श्रीनिधी शेट्टीबद्दल ‘या’ गोष्टी माहितीयेत का?

Srinidhi Shetty

‘KGF Chapter 2’ हा चित्रपट 14 एप्रिलला रिलीज होणार आहे. प्रेक्षक या चित्रपटाची आतुरतेने वाट पाहत आहेत. यश व्यतिरिक्त चित्रपटाच्या दुसऱ्या भागात रवीना टंडन, संजय दत्त आणि श्रीनिधी शेट्टी देखील दिसणार आहेत. श्रीनिधी ही ‘KGF’ चॅप्टर 1चा भाग देखील आहे.

श्रीनिधी शेट्टीने KGF चॅप्टर 1मध्ये यशच्या ‘लेडी लव्ह’ची भूमिका साकारली होती आणि आता ती चॅप्टर 2मध्येही दिसणार आहे. श्रीनिधीशी संबंधित काही रंजक गोष्टी आम्ही तुम्हाला सांगणार आहोत.

अभिनेत्री होण्यापूर्वी श्रीनिधी शेट्टी एक मॉडेल होती आणि मॉडेलिंग जगतातील एक प्रसिद्ध चेहरा देखील होती. तिने अनेक सौंदर्य स्पर्धांमध्ये भाग घेतला आणि जिंकली.

2016 मध्ये श्रीनिधी ‘मिस दिवा सुपरनॅशनल’ बनली होती, त्यानंतर तिने ‘मिस सुपरनॅशनल’ स्पर्धाही जिंकली होती. हे विजेतेपद मिळवणारी श्रीनिधी ही दुसरी भारतीय मॉडेल आहे.

त्याचबरोबर या सौंदर्य स्पर्धांव्यतिरिक्त तिने ‘मिस साऊथ इंडिया’, ‘मिस कर्नाटक’ आणि ‘मिस ब्युटीफुल स्माईल’ हे किताबही तिने पटकावले आहेत.

मॉडेलिंगमध्ये खूप नाव कमावल्यानंतर श्रीनिधी शेट्टीने चित्रपटांमध्ये पाऊल ठेवले आणि तिचा पहिलाच चित्रपट ब्लॉकबस्टर हिट ठरला. यशच्या KGF 1मधून तिने मनोरंजनविश्वात पदार्पण केले.

या चित्रपटातून तिला चांगलीच पसंती मिळाली होती. याच कारणामुळे श्रीनिधी शेट्टी देखील आता KGF 2चा भाग असणार आहे. याशिवाय ती ‘कोब्रा’मध्ये दिसणार आहे. या तमिळ चित्रपटाचे शूटिंग पूर्ण झाले आहे. (Photo : @srinidhi_shetty/IG)