Happy Birthday Chitrangada Singh : बॉलिवूडमध्ये येण्याआधीच झालं होतं चित्रांगदा सिंहचं लग्न, जाणून घ्या तिचा आतापर्यंतचा प्रवास

Chitrangada Singh

अभिनेत्री चित्रांगदा सिंहचा आज 46वा वाढदिवस आहे. चित्रांगदा सिंह अभिनेत्री असण्यासोबतच मॉडेल आणि चित्रपट निर्मातीही आहे. चित्रांगदाचा जन्म 28 मार्च 1976 रोजी झाला.

तिने चित्रपटसृष्टीत आपली एक वेगळी ओळख निर्माण केली आहे.

चित्रांगदा तिच्या चित्रपटांव्यतिरिक्त फिटनेसच्या बाबतीतही चर्चेत असते. फार कमी लोकांना माहीत आहे की, चित्रांगदा एका मुलाची आई आहे.

चित्रांगदाने दिल्लीच्या श्रीराम कॉलेजमधून होम सायन्समध्ये पदवी शिक्षण घेतलं आहे.

चित्रांगदाने कॉलेजच्या दिवसांपासूनच मॉडेलिंगला सुरुवात केली होती. या काळात तिला अनेक मोठ्या जाहिराती मिळाल्या.

चित्रांगदा अल्ताफ राजाच्या 'तुम तो वहाँ परदेसी' या अल्बममधून पहिल्यांदाच प्रकाशझोतात आली.

चित्रांगदाने 2005 साली 'हजारो ख्वाईशे ऐसी' या चित्रपटातून बॉलिवूडमध्ये पदार्पण केले.

चित्रांगदाने चित्रपटसृष्टीत येण्याआधीच 2001 मध्ये भारतीय गोल्फर ज्योती रंधवासोबत लग्न केले. त्यांना एक मुलगाही आहे. पण त्यांचे नाते फार काळ टिकले नाही आणि 2014 मध्ये त्यांचा घटस्फोट घेतला.