Kareena Kapoor पासून Malaika Arora पर्यंतच्या अभिनेत्री चेहरा टवटवीत दिसण्यासाठी करतात या ब्यूटी टिप्सचा वापर

बॉलिवूड अभिनेत्री

बॉलिवूडच्या अनेक अभिनेत्री त्वचेची काळजी घेण्यासाठी पारंपारिक आणि घरगूती उपायांचा वापर करतात. प्रियंका चोप्रा चेहऱ्यावर लावण्यासाठी पारंपारिक फेसपॅकचा वापर करते. दही, ओट्स आणि त्यात हळद मिक्स करून त्याची पेस्ट बनवून ती चेहऱ्यावर लावते. त्यानंतर अर्धा तासाने कोमट पाण्याने चेहरा स्वच्छ करते. प्रियंका सांगते की, हा घरगूती उपाय तिचा चेहरा स्वच्छ करण्यासोबत तेजस्वीदेखील करतो.

करिश्मा कपूर आणि करीना कपूर चेहरा सुंदर बनविण्यासाठी माचा फेसपॅकचा वापर करतात. माचा हा एक ग्रीन-टीचाच प्रकार आहे. माचामध्ये अँटी-ऑक्सीडंट आणि अँटी-इंफ्लॅमेंट्रीचा समावेश असतो. हा तयार फेसपॅक चेहऱ्यावर लावल्याने त्वचेला रेडिअंट ग्लो येतो. माचामध्ये क्लोरोफिलदेखील अधिक प्रमाणात असतं. ते त्वचेच्या आत जाऊन त्वचेला गुलाबीपणा मिळवून देतं.

सुष्मिता सेन आपल्या त्वचेची काळजी घेण्यासाठी सोप्या घरगूती उपायांचा वापर करते. सुष्मिता सांगते, 'बेसन आणि मलई एकत्र करून त्या फेस स्क्रबने मी चेहऱ्याचा मसाज करते'. बेसनात जस्त असतं त्यामुळे त्वचा गुळगुळीत होण्यास मदत होते. तसेच त्यामुळे तिच्या त्वचेवर पुरळं देखील येत नाहीत. आणि तसेच त्वचेच्या कोणत्या समस्येलादेखील सामोरे जावे लागत नाही.

मलायका अरोरा दररोज चेहऱ्यावर अॅलोवेरा जेल लावते. दिवसभरात जेव्हा तिला वेळ मिळतो तेव्हा ती चेहऱ्यावर अॅलोवेरा जेल लावते. ज्यादिवशी जास्त मेकअप केला जातो त्यादिवशी ती दिवसातून दोनवेळा 10-10 मिनटं चेहऱ्यावर अॅलोवेरा जेल लावते. मृतत्वचेला उजाळा देण्यासाठी हे जेल मदत करते.

मलायका अरोरा, सोनम कपूर आणि यामी गौतमी सारख्या अभिनेत्री चेहऱ्यावर क्ले फेसमास्क वापरतात. त्वचेनुसार ते आठवड्यातून एकदा किंवा दररोजदेखील क्ले फेसमास्क चेहऱ्यावर लावतात. क्ले फेसमास्कमुळे त्वचेवरील समस्या दूर होण्यास मदत होते.