Bobby Deol: 'अॅनिमल'मुळे चर्चेत असणाऱ्या बॉबी देओलचे 'हे' चित्रपट आणि वेब सीरिज घरबसल्या ओटीटीवर पाहा

Bobby Deol: बॉबी देओलचे काही चित्रपट आणि वेब सीरिज तुम्ही ओटीटीवर पाहू शकता.

Bobby Deol

अॅनिमल या चित्रपटामुळे सध्या बॉबी देओल हा चर्चेत आहे. या चित्रपटामधील बॉबी देओलच्या अभिनयाचं अनेकजण कौतुक करत आहेत.

अॅनिमल या चित्रपटामध्ये बॉबी देओलनं खलनायकाची भूमिका साकारली आहे. या चित्रपटामध्ये त्याचे काही अॅक्शन सीन्स देखील आहेत. अशातच आता बॉबी देओलचे काही चित्रपट आणि वेब सीरिज तुम्ही ओटीटीवर पाहू शकता.

बॉबी देओलने 2020 मध्ये 'क्लास ऑफ 83' या वेब सीरीजद्वारे ओटीटीवर पदार्पण केले. या वेब सीरिजमध्ये बॉबी देओलने विजय सिंह ही भूमिका साकारली. ही वेब सीरिज तुम्ही नेटफ्लिक्सवर पाहू शकता.

बॉबी देओलने 'आश्रम' या वेबसिरीजमध्ये जबरदस्त अॅक्टिंग केली आहे. या वेब सीरिजचं दिग्दर्शन प्रकाश झा यांनी केले आहे. MX Player वर तुम्ही ही वेब सीरिज पाहू शकता.

झी 5 वर प्रदर्शित झालेल्या लव्ह हॉस्टल या चित्रपटातील बॉबी देओलच्या अभिनयाला देखील प्रेक्षकांची पसंती मिळाली.या चित्रपटात विक्रांत मॅसी आणि सान्या मल्होत्रा ​​यांनी देखील काम केलं आहे.

प्राइम व्हिडीओ या ओटीटी प्लॅटफॉर्मवर तुम्ही अपने हा चित्रपट पाहू शकता. या चित्रपटात बॉबी देओलसोबतच धर्मेंद्र, सनी देओल यांनी देखील प्रमुख भूमिका साकारली आहे.

'यमला पगला दीवाना' हा चित्रपट 2011 मध्ये रिलीज झाला होता. या चित्रपटात सनी देओल, बॉबी देओल आणि धर्मेंद्र पुन्हा एकदा एकत्र दिसले. हा चित्रपट तुम्ही झी-5 या अॅपवर पाहू शकता.

बॉबी देओलच्या आगामी चित्रपटांची प्रेक्षक उत्सुकतेने वाट बघत असतात. त्याचा चाहता वर्ग देखील मोठा आहे.