तब्बल 20 वर्षानी होणाऱ्या शिवतीर्थावर होणाऱ्या संयुक्त शिवगर्जनेला अवघे काही तास अन् राज ठाकरेंची भावनिक साद

सभेला अवघे काही तास बाकी राहिले असतानाच राज ठाकरे यांनी मनसैनिकांना आणि शिवसैनिकांना साथ घालत मोठ्या संख्येने शिवतीर्थावर येण्यास आवाहन केलं आहे.

Raj and Uddhav Thackeray Rally at Shivaji Park

अवघ्या महाराष्ट्राला उत्सुकता असलेल्या तब्बल 20 वर्षापासून प्रतीक्षा असलेल्या ठाकरे बंधूंची संयुक्त सभा शिवतीर्थावर होत आहे.

राज ठाकरे आणि उद्धव ठाकरे काय बोलणार याकडे मुंबईसह महाराष्ट्रासह नव्हेच, तर देशाचे लक्ष लागून राहिलं आहे.

या सभेमधून राज ठाकरे लाव रे तो व्हिडिओ म्हणून कोणती पोलखोल करणार याकडे सुद्धा राजकीय वर्तुळाचे लक्ष आहे.

गेल्या काही दिवसांपासून मुंबई कशा पद्धतीने भाजपकडून तोडली जात आहे या संदर्भातील सविस्तरपणे मांडणी करणार असल्याचे राज ठाकरे यांनी म्हटलं आहे.

दरम्यान, सभेला अवघे काही तास बाकी राहिले असतानाच राज ठाकरे यांनी मनसैनिकांना आणि शिवसैनिकांना साथ घालत मोठ्या संख्येने शिवतीर्थावर येण्यास आवाहन केलं आहे.

राज ठाकरे यांनी म्हटलं आहे की, महाराष्ट्र सैनिकांना आणि शिवसैनिकांना सस्नेह जय महाराष्ट्र. सायंकाळी साडेसहा वाजता शिवतीर्थावर महाराष्ट्र धर्माची पताका गाजवत उत्साहात या, असं त्यांनी आवाहन केलं आहे.

त्यांच्या या पोस्टला सोशल मीडियामध्ये प्रतिसाद प्रतिसाद मिळाला आहे.

या सभेची सोशल मीडिया मधूनही जोरदार प्रसिद्धी करण्यात आली आहे.

ठाकरे येताहेत अस म्हणत सभेचा टीझर प्रसिद्ध करण्यात आला आहे.

यापूर्वी दोघांची सभा नाशिकमध्ये संयुक्त पार पडली. दोघांनी सुद्धा या सभेतून भाजपवर हल्ला चढवला होता.