Haryana Election Result : रणनीतीमधील गडबड, अंतर्गत दुफळी ते मतविभाजन, चुकलेली समीकरणं, काँग्रेसच्या हरियाणातील पराभवाची प्रमुख कारणं

Haryana Assembly Election : हरियाणा विधानसभा निवडणुकीत काँग्रेसला पराभव स्वीकारावा लागला. भाजप हरियाणात सलग तिसऱ्यांदा सत्ता स्थापन करणार आहे.

काँग्रेसच्या पराभवाची पाच कारणं

लोकसभा निवडणुकीत हरियाणातील 10 पैकी 5 जागा जिंकल्यानंतर काँग्रेसकडे दहा वर्षानंतर पुन्हा सत्ता मिळवण्याची संधी होती, मात्र ती त्यांनी विविध कारणांनी गमावली. भाजपच्या विरोधात असंतोषाचं वातावरण असून देखील त्याचा फायदा काँग्रेसला घेता आला नाही.

काँग्रेसच्या नेत्यांमधील अतिआत्मविश्वास त्यांना पराभवाकडे नेणारा ठरला. तिकीट वाटपामध्ये भूपिंदर सिंह हुड्डा यांनी घेतलेल्या निर्णयांमुळं पक्षात बंडखोरी झाली त्याचा फटका अनेक मतदारसंघात काँग्रेसला बसला.