Vastu Tips : घरात 'या' ठिकाणी आरसा लावताय? तर सावधान! घराच्या सकारात्मक ऊर्जेसाठी वाचा योग्य दिशा

Vastu Tips : घरात चुकीच्या दिशेला जर तुम्ही आरसा लावत असाल तर, ते तुमच्या दुर्देवाचं, आर्थिक तंगीचं कारण ठरु शकतं. यासाठी आरसा लावण्याची योग्य दिशा माहित असायला हवी.

Vastu Tips

घराला सजवण्यासाठी प्रत्येकाच्या घरी सुंदर आणि लक्षवेधी आरसे दिसतात.

पण तुम्हाला माहित आहे का, छोट्यातला छोटा आरसाही तुमचं नशीब बदलू शकतं. त्यासाठी तुम्हाला आरसा लावण्याची योग्य दिशा माहित असायला हवी.

वास्तुशास्त्रात आरशाला ऊर्जेचं प्रतीक मानलं जातं. आरशामुळे जर सकारात्मकता येऊ शकते, तर नकारात्मकताही दुप्पट वाढवू शकते. जाणून घ्या वास्तूशास्त्रानुसार आरसा लावण्यासाठी योग्य दिशा कोणती?

जर तुम्ही आरसा बेडरूममध्ये बेडच्या समोर लावत असाल तर ही दिशा चुकीची आहे. यामुळे तुमच्या वैवाहिक जीवनात अडथळे आणि अशांतता निर्माण होऊ शकते.

जर हा आरसा जागेवरून काढणे कठीण असेल तर, झोपेच्या वेळेस त्यावर कापड टाकावा.

आरसा लावण्यासाठी दक्षिण आणि पश्चिम दिशा अशुभ समजली जाते. या दिशेला आरसा लावल्यास सुख, समृद्धी आणि आर्थिक अडचण येऊ शकते.

तसेच, तुम्ही उत्तरेला आणि पूर्वेला आरसा लावल्यास तुमच्या घरी धन संपत्तीची भरभराट होते आणि सुख समृद्धी लाभते.

तसेच, आरसा लावताना जास्त उंच किंवा अगदीच खाली लावू नये. आरसा आपल्या डोळ्यांच्या अंतरावर लावावा.

वास्तुशात्रानुसार, आरसा हा चौकोनी किंवा आयताकार असावा. गोलाकार आरसा नकारात्मक ऊर्जेला सर्वत्र पसरवण्याचं काम करतो. आणि कुटुंबामध्ये एकात्मकता राहत नाही.

तसेच तुटलेला आणि भुरकट आरसा वास्तूदोषाला कारणीभूत ठरतो. ज्यामुळे घरी अशांतता नांदते. त्यामुळे असे आरसे फेकून देणे योग्य असते.

वास्तुशात्रानुसार, मुख्य दाराला आरसा लावल्यास घरी येणारी सकारात्मक ऊर्जा पुन्हा बाहेर जाते.

वास्तुशास्त्रानुसार जर तुम्ही तिजोरी समोर आरसा लावला तर तुमच्या धन संपत्तीत भरभराट होते.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)