Coronavirus : कोरोनाचा उगम कसा आणि कुठे झाला? WHO ने चीनकडे मागवला अहवाल
WHO On Corona : जागतिक आरोग्य संघटना (WHO) प्रमुख टेड्रोस अधानोम गेब्रेयसस यांनी कोरोनाचा उगम कसा आणि कुठे झाला याबाबत चीनकडून अहवाल मागवला आहे.
WHO On Coronavirus Origin : जागतिक आरोग्य संघटनेने (World Health Organization) कोरोनाचा उगम (Coronavirus) कसा झाला याचा अहवाल मागवला आहे. जागतिक आरोग्य संघटनेचे (WHO) प्रमुख टेड्रोस अधानोम गेब्रेयसस (Tedros Adhanom Ghebreyesus) यांनी बुधवारी चीनला (China) कोरोना विषाणूचे मूळ (Coronavirus Origin) समजून घेण्यासाठी कोविड-19 (Covid 19) शी संबंधित डेटा शेअर करण्याचे आवाहन केलं आहे. जगभरात कोरोनाचा संसर्ग कमी झाला असला, तरी धोका पूर्णपणे टळलेला नाही. अद्यापही अनेक देशांमध्ये कोरोनाचा वेगाने प्रसार होत आहे. चीनमध्ये पुन्हा एकदा कोरोना विषाणूचा संसर्ग वाढताना दिसत आहे. चीनला कोरोनाचं उगम स्थान मानलं जातं. कोरोना विषाणू संदर्भात चीनवर अनेक आरोपही करण्यात आले आहेत.
जागतिक आरोग्य संघटनेने वेबसाइटवर निवेदनात डब्ल्यूएचओ प्रमुख यांनी म्हटलं आहे की, 'आम्ही चीनला कोरोना विषाणूचे मूळ अधिक चांगल्या प्रकारे समजून घेण्यासाठी कोरोनाचा उगम आणि त्यासंदर्भातील अधिक माहितीचा अहवाल देण्यास सांगितलं आहे.'
कोरोना विषाणूचा पहिला रुग्ण चीनच्या वुहानमध्ये सापडला होता. त्यानंतर तिथून त्याचा प्रसार झाला. एका अमेरिकन शास्त्रज्ञाने दावा केला आहे की, कोरोना व्हायरस हा मानवनिर्मित व्हायरस आहे. अमेरिकन शास्त्रज्ञाने आपल्या पुस्तकात म्हटले आहे की, हा विषाणू निर्माण करण्यासाठी चीनसोबत अमेरिकाही जबाबदार आहे.
'कोरोना विषाणू मानव निर्मित', वुहानमधील शास्त्रज्ञाचा दावा
अलिकडेच चीनमधील (China) वुहानमधील (Wuhan) एका प्रयोगशाळेत (Lab) काम करणाऱ्या शास्त्रज्ञाने कोरोना विषाणू वुहानमधील लॅबमध्ये (Wuhan Lab) तयार करण्यात आलं असल्याचा दावा केला आहे. वुहानमधील एका प्रयोगशाळेत काम करणाऱ्या अमेरिकन शास्त्रज्ञाने त्याचा पुस्तकामध्ये हा दावा केला आहे. या शास्त्रज्ञाने त्याच्या पुस्तकात आहे की, कोरोना विषाणू वुहानमधील प्रयोगशाळेत तयार करण्यात आला असून ते मानव निर्मित (Man Made Virus) आहे. अँड्रयू हफ (Andrew Huff) या वुहानमधील लॅबमध्ये काम केलेल्या शास्त्रज्ञाने त्याच्या पुस्तकामध्ये दावा केला आहे की, कोरोना विषाणू चीनमधील लॅबमध्ये तयार करण्यात आला होता.
कोरोना विषाणू कसा पसरला?
अहवालानुसार, तज्ज्ञांनी आतापर्यंत कोरोना विषाणूच्या उत्पत्तीबद्दल दोन प्रमुख सिद्धांत मांडले आहेत. पहिला सिद्धांत असा आहे की, SARS-CoV-2 हा नैसर्गिक झुनोटिक स्पिलओव्हरचा (Zoonotic Diseases)परिणाम आहे. दुसरा सिद्धांत असा आहे की, हा विषाणू लॅबमध्ये तयार करण्यात आला आणि संशोधनादरम्यान या विषाणूची मानवाला बाधा झाली. जागतिक आरोग्य संघटनेचे प्रमुख म्हणाले की, 'आम्ही आशावादी आहोत की, पुढील वर्षी कोविड -19 साथीच्या रोगाचा धोका कमी होईल आणि कोरोनाला जागतिक आरोग्य आणीबाणी मानलं जाणार नाही.'
झुनोटिक रोग म्हणजे काय? (Zoonotic Diseases)
झुनोटिक रोग म्हणजे असे रोग आहेत जे सामान्यत: काही प्रजातींमध्ये (मानवी शरीरात नाही) अस्तित्वात असतात. परंतु स्पिलओव्हर इव्हेंट्स दरम्यान या विषाणूचा मानवाला संक्रमण होतं. झुनोटिक स्पिलओव्हरमध्ये विविध पाळीव आणि पाळीव प्राणी नसलेल्या वन्य प्राण्यांपासून मानवाला संक्रमण होते. म्हणजे झुनोटिक रोग एका प्रजातीतून दुसऱ्या प्रजातीत संक्रमित होतात.
महत्त्वाच्या बातम्या
ट्रेंडिंग न्यूज
