Joe Biden : 'या' प्रश्नावर बिथरले राष्ट्राध्यक्ष बायडेन, माइकवरच पत्रकाराला हासडली शिवी

US President Joe Biden : अमेरिकेचे राष्ट्राध्यक्ष जो बायडन यांचा व्हिडिओ व्हायरल होत आहे. बायडेन यांनी एका पत्रकाराला शिवी हासडली.

Joe Biden : 'या' प्रश्नावर बिथरले राष्ट्राध्यक्ष बायडेन, माइकवरच पत्रकाराला हासडली शिवी

US President Joe Biden : पत्रकार परिषदेला सामोरे जाताना सत्ताधाऱ्यांची अनेकदा भंबेरी उडते. पत्रकारांच्या तिखट, बोचऱ्या प्रश्नाला उत्तर देताना सत्ताधारी, राजकीय नेते मंडळींची जीभदेखील घसरते. राष्ट्राध्यक्ष जो बायडेन यांची देखील पत्रकार परिषदेत जीभ घसरली. फॉक्स न्यूजच्या पत्रकाराने विचारलेल्या प्रश्नाला उत्तर देताना बायडेन यांनी शिवी हासडली. सध्या त्याचा व्हिडिओ व्हायरल होत आहे. 

काय झालं नेमकं?

अमेरिकेचे राष्ट्राध्यक्ष जो बायडन यांनी सोमवारी एका पत्रकार परिषदेला संबोधित केले. त्यावेळी फॉक्स न्यूजचा पत्रकार पीटर डॉकी याने राष्ट्राध्यक्ष बायडन यांना महागाईवर प्रश्न विचारला. मध्यावधी निवडणुकानंतर महागाईची राजकीय जबाबदारी कोणाची असणार, असा प्रश्न बायडेन यांना विचारण्यात आला. त्यावेळी बायडन यांनी तिरकस उत्तर दिले. मात्र, त्यानंतर टिप्पणी करताना शिवी हासडली. शिवी हासडत असताना माइक बंद करण्यास ते विसरले. 

पाहा व्हिडिओ: राष्ट्राध्यक्ष बायडेन यांनी हासडली शिवी

बायडन यांचा पत्रकाराला फोन 

बायडन यांचा हा व्हिडिओ व्हायरल झाल्यानंतर पत्रकार पीटर डॉकी यांनी प्रतिक्रिया व्यक्त केली. डॉकीने सांगितले की, या घटनेच्या काही तासातच बायडेन यांनी दूरध्वनीवरून संपर्क साधला आणि ते वक्तव्य वैयक्तिक घेऊ नये, असे बायडेन यांनी त्यांना सांगितले.

अमेरिकेत डिसेंबर महिन्यात महागाई मोठ्या प्रमाणावर वाढली आहे. मागील अनेक वर्षात ही सर्वाधिक महागाई असल्याचे म्हटले जात आहे. 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha