Trending : तीन वर्षांपूवी झाडासोबत लग्न, आडनावही बदललं, आता नवा बॉयफ्रेंड

Trending : ब्रिटनमधील एका महिलेने तीन वर्षापूर्वी झाडासोबत लग्न केले. लग्नानंतर तिने स्वत:चा आडनावही बदलले. मात्र आता ही महिला एका तरुणाच्या प्रेमात पडली आहे.

wedding

Viral News : 'लग्न' हा कोणत्याही व्यक्तीच्या आयुष्यातील सर्वात मोठा निर्णय असतो. त्यामुळे लग्न करण्यापूर्वी लोक खूप विचार करतात. पण, तुम्ही एका महिलेबद्दल ऐकले आहे का जिने एका झाडासोबत लग्न केले आहे (A Woman Married a Tree). हा अनोखा विवाह तीन वर्षांपूर्वी झाला होता आणि यामुळे अनेकांच्या भुवयाही उंचावल्या होत्या. एवढेच नाही तर महिला प्रत्येक सण आपल्या 'पती'सोबत म्हणजेच झाडासोबत साजरे करते. महिलेच्या म्हणण्यानुसार तिचे वैवाहिक जीवन उत्तम चालले आहे.

मीडिया रिपोर्टनुसार, केट कनिंघम (Kate Cunningham) असे या महिलेचे नाव असून ती ब्रिटनची राहणारी आहे. तीन वर्षांपूर्वी या महिलेने लग्नासाठी पुरुष नाही तर झाड निवडले. केट कनिंगहॅम आज 37 वर्षांची आहे आणि आजपासून तीन वर्षांपूर्वी, 2019 मध्ये, केटने सर्व नातेवाईक आणि मित्रांसमक्ष मोठ्या धूमधडाक्यात झाडाशी लग्न केले.

विशेष बाब म्हणजे लग्नानंतर केट कनिंघमने तिचे आडनावही बदलले आणि तिला 'मिसेस एल्डर' म्हणून ओळखले जाते. केट तिच्या पतीला म्हणजे झाडाला आठवड्यातून पाच वेळा भेटते. यासोबतच ती तिच्या आयुष्यातील प्रत्येक खास प्रसंग पतीसोबत साजरा करते. ख्रिसमसच्या वेळी, ती झाडाला अतिशय सुंदरपणे सजवते.

सर्वात आश्चर्याची गोष्ट म्हणजे केटला एक बॉयफ्रेंड देखील आहे. केटच्या म्हणण्यानुसार, तिच्या प्रियकराला केट आणि झाडाच्या नात्यात कोणतीही अडचण नाही. अनेकवेळा केट तिच्या बॉयफ्रेंडसोबत पतीला भेटायला गेली आहे. केटच्या म्हणण्यानुसार, झाडाशी लग्न केल्यानंतर तिचे आयुष्य खूप बदलले आहे आणि केटचे तिच्या पतीवर खूप प्रेम आहे.

महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha