Russia : पुतिन यांचा इशारा, रशियात लष्करी जमाव करण्याचे आदेश; तीन लाख राखीव सैनिकांना बोलावले

Russia : रशियाचे राष्ट्राध्यक्ष पुतिन यांनी पाश्चात्य देशांना इशारा दिला. रशियन वृत्तसंस्था आरटीने पुतिन यांच्या हवाल्याने हे वृत्त दिले आहे.

Russia president Putin announces partial military mobilization

Russia : रशियाचे राष्ट्राध्यक्ष व्लादिमीर पुतिन (Vladimir Putin) यांनी आज युक्रेन (Ukraine) युद्धादरम्यान देशात लष्करी जमाव करण्याचे आदेश दिले आहेत. पुतिन यांनी आरोप केला की, पाश्चिमात्य देश रशियाला उद्ध्वस्त करून कमजोर करण्याचा कट रचत आहे. या देशांनी मर्यादा ओलांडली आहे. यासोबतच पुतिन यांनी पाश्चात्य देशांनाही इशारा दिला. रशियन वृत्तसंस्था आरटीने (RT) पुतिन यांच्या हवाल्याने हे वृत्त दिले आहे. RT नुसार, पुतिन यांनी म्हटले आहे की, पाश्चात्य देश रशियाला संपवण्याचे आवाहन करत आहेत, परंतु आपल्या देशबांधवांचे भविष्य सुरक्षित करण्यासाठी हे पाऊल उचलत आहेत.

अमेरिकेकडून प्रशंसा
रशियाचे राष्ट्राध्यक्ष व्लादिमीर पुतिन यांना युद्धाबाबत समज दिल्याबद्दल पंतप्रधान नरेंद्र मोदी यांची अमेरिकेच्या प्रसारमाध्यमांनी प्रशंसा केली. वॉशिंग्टन पोस्टमध्ये लिहण्यात आले की, 'युक्रेनमधील युद्धावर मोदी पुतिन यांना सांगतात, ही युद्धाची वेळ नाही. याबाबत मी तुमच्याशी अनेकदा बोललो आहे. वॉशिंग्टन पोस्टच्या वृत्तानुसार, मोदींनी हे सांगितल्यानंतर पुतिन अस्वस्थ दिसत होते.

देशाचे भविष्य सुरक्षित करण्यासाठी हे पाऊल - पुतिन
RT नुसार, पुतिन यांनी म्हटलं की, पाश्चात्य देश रशियाला संपवण्याचे आवाहन करत आहेत, परंतु आपल्या देशाचे भविष्य सुरक्षित करण्यासाठी हे पाऊल उचलत आहेत. 'युक्रेन वॉर' या विशेष लष्करी कारवाईचे आमचे ध्येय कायम आहे. पुतिन म्हणाले की, युक्रेनचे लुहान्स्क पीपल्स रिपब्लिक (LPR) मुक्त झाले आहे आणि डोनेस्तक पीपल्स रिपब्लिक (DPR) देखील अंशतः मुक्त झाले आहे.

पुतिन यांचा पाश्चात्य देशांना इशारा
पुतिन यांनी पाश्चात्य देशांना इशारा दिला की जर देशाच्या अखंडतेला धोका निर्माण झाला तर रशिया सर्व उपलब्ध मार्गांचा वापर करेल. पुतिन यांनी आपल्या देशाच्या लष्करी बॅरिकेडच्या आदेशावर स्वाक्षरी केली असून तो लागू होणार आहे. रशियाच्या संरक्षणमंत्र्यांनी सांगितले की, देशात 300,000 राखीव सैनिक तैनात केले जातील.

डोनेस्तक आणि लुहान्स्क रशियाचा भाग होणार
युक्रेनची दोन शहरे डोनेस्तक आणि लुहान्स्क रशियाचा भाग बनणार असल्याची माहिती समोर येत आहे. त्यासाठी शुक्रवारपासून मतदान होणार आहे. फेब्रुवारीमध्ये युद्ध सुरू करण्यापूर्वी पुतिन यांनी युक्रेनच्या या दोन शहरांना स्वतंत्र प्रदेश म्हणून मान्यता देण्याची घोषणा केली होती. डोनेस्तक, लुहान्स्क, खेरसन आणि अंशतः रशियाच्या ताब्यात असलेल्या झापोरिझ्झ्या प्रदेशात शुक्रवारपासून सार्वमत घेण्यात येणार आहे. 

डोनेस्तक आणि लुहान्स्कमध्ये काय परिस्थिती?
पूर्व युक्रेनमधील रशियाच्या सीमेला लागून असलेला डोनेस्तक हा एकेकाळी युक्रेनचा सर्वात मोठा औद्योगिक प्रदेश म्हणून गणला जायचा. हे डॉनबास राज्याचे मुख्य शहर आहे, जेथे अनेक महत्त्वपूर्ण खनिजांचे साठे आहेत. हे शहर युक्रेनमधील प्रमुख स्टील उत्पादक केंद्रांपैकी एक आहे. येथील लोकसंख्या सुमारे 20 लाख आहे. त्याच वेळी, लुहान्स्क, पूर्वी व्होरोशिलोव्हग्राड म्हणून ओळखले जाणारे, युक्रेन हे शहर डॉनबास प्रदेशाचा एक भाग आहे.

या क्षेत्राबाबत रशिया आणि युक्रेनमध्ये तणाव का आहे?
डोनेस्तक आणि लुहान्स्क, युक्रेनच्या डोनबास प्रांताचा भाग, रशिया आणि युक्रेनमधील तणावाचे मुख्य स्त्रोत आहेत. खरं तर, सोव्हिएत युनियनच्या विघटनानंतर डॉनबास प्रदेश युक्रेनचा भाग बनला. दुसरीकडे, रशियाने असे म्हटलंय की, बहुसंख्य डॉनबास रशियन बोलतात आणि त्यामुळे युक्रेनियन राष्ट्रवादापासून संरक्षण केले पाहिजे.

संबंधित बातम्या