Nepal Crisis : भारताचा शेजारी नेपाळ पुन्हा पेटला; गेल्या पाच दिवसांपासून आंदोलनाचा भडका, अनेक नेते अटकेच्या भीतीनं भूमिगत
Nepal Crisis : सरकारने राजेशाही चळवळीत सहभागी असलेल्या राष्ट्रीय प्रजातंत्र पक्षाचे (आरपीपी) दोन प्रमुख नेते रवींद्र मिश्रा आणि धवल शमशेर राणा यांच्यासह 61 जणांविरुद्ध गुन्हा दाखल केला आहे.
Nepal Crisis : राजेशाही आणि हिंदू राष्ट्र पुनर्संचयित करण्याच्या मागणीसाठी नेपाळच्या रस्त्यांवर पुन्हा आंदोलन सुरु झालं आहे. गेल्या पाच दिवसांपासून सुरू असलेल्या या आंदोलनाची तीव्रतेनं सरकारसमोर आव्हान आहे. दुसरीकडे, पंतप्रधान केपी शर्मा ओली यांच्या सरकारने हे आंदोलन चिरडून टाकण्यासाठी उघड तयारी केली आहे. काठमांडूचा रिंग रोड परिसरात दोन महिन्यांसाठी बंदी घालण्यात आला आहे. त्याच वेळी, सरकारने राजेशाही चळवळीत सहभागी असलेल्या राष्ट्रीय प्रजातंत्र पक्षाचे (आरपीपी) दोन प्रमुख नेते रवींद्र मिश्रा आणि धवल शमशेर राणा यांच्यासह 61 जणांविरुद्ध गुन्हा दाखल केला आहे. राज्याविरुद्ध गुन्हे, अशांतता पसरवणे आणि संघटित गुन्हेगारी अशा गंभीर आरोपांवर सर्व 61 जणांविरुद्ध गुन्हा दाखल करण्यात आला आहे.
कारवाईच्या भीतीने चळवळीचे नेते भूमिगत झाले
ओली सरकारकडून कारवाई टाळण्यासाठी मिश्रा आणि राणा आणि इतर मोठे नेते भूमिगत झाले आहेत. हे नेते पक्षाच्या अंतर्गत धोरणात्मक बैठकांना उपस्थित राहत आहेत, परंतु सरकारच्या अटकेची कारवाई टाळण्यासाठी ते भूमिगत झाले आहेत त्यांचे मोबाईल बंद आहेत आणि इतर अनेक नेत्यांनीही त्यांचा संपर्क मर्यादित केला आहे. ही चळवळ आता सोशल मीडिया, खासगी चॅनेल आणि पक्ष नेटवर्कद्वारे चालवली जात आहे. ओली यांच्या पक्षासह तिन्ही प्रमुख पक्ष या चळवळीविरुद्ध एकत्र आले आहेत.
संविधान-लोकशाहीविरोधी आंदोलन यशस्वी होऊ देणार नाही
पीएम ओली यांचे सीपीएन-यूएमएल, नेपाळी काँग्रेस आणि माओइस्ट सेंटर, तिन्ही पक्षांनी एकत्रितपणे या चळवळीला तोंड देण्याची घोषणा केली आहे. सोमवारी सिंगदरबार येथील पंतप्रधान कार्यालयात झालेल्या बैठकीत ओली, नेपाळी काँग्रेसचे प्रमुख शेर बहादूर देउबा आणि माओवादी नेते पुष्प कमल दहल प्रचंड यांनी या मुद्द्यावर संयुक्त भूमिका घेण्यास सहमती दर्शविली. तिन्ही पक्षांनी हे स्पष्ट केले की ते संविधान-लोकशाहीविरोधी आंदोलन यशस्वी होऊ देणार नाहीत.
'मिनी पॅलेस'मध्ये रणनीती
नेपाळचे माजी राजा ज्ञानेंद्र शाह यांनी काठमांडूपासून स्वतःला दूर केले आहे. ते झापाच्या दमक येथील 'मिनी पॅलेस'मध्ये राहत आहेत. ते दोन आठवडे तिथेच राहतील. सूत्रांचे म्हणणे आहे की ते वैयक्तिक पातळीवर राजकीय बैठका घेऊन रणनीती आखत आहेत. तथापि, त्यांच्या सचिवालयाने कोणताही औपचारिक राजकीय कार्यक्रम नाकारला आहे. प्रेस सचिव फणिंद्र पाठक म्हणाले की, ही भेट पूर्वनियोजित आहे. ते झापाला भेट देत राहतात.
माजी राजकुमारी हिमानी आणि त्यांचा मुलगा सक्रिय
नारायणहिटी राजदरबार हत्याकांडाच्या 23व्या स्मृतीदिनामित्त माजी राजकुमारी हिमानी शाह यांनी राजेशाही समर्थकांसह दिवंगत राजघराण्याला दिवे लावून श्रद्धांजली वाहिली. अलिकडच्या चळवळीदरम्यान राजघराण्याची सक्रियता सार्वजनिकरित्या समोर येण्याची ही पहिलीच वेळ आहे. श्रद्धांजली कार्यक्रमादरम्यान हजारो राजेशाही समर्थक नेपाळच्या माजी राजकन्यासोबतही जमले. समर्थकांसह श्रद्धांजली कार्यक्रमात सार्वजनिकरित्या सहभागी होऊन, राजकुमारीने नेपाळच्या लोकसंख्येचा एक मोठा भाग अजूनही राजेशाहीवर विश्वास ठेवतो असा संदेश दिला.
इतर महत्वाच्या बातम्या
महत्त्वाच्या बातम्या
