Coronavirus | जगभरातील 213 देशांत 73 लाख लोकांना कोरोनाची लागण; आतापर्यंत चार लाखांहून अधिक मृत्यू

कोरोना व्हायरसचा प्रादुर्भाव जगभरात वाढताना दिसत आहे. आतापर्यंत 73 लाख लोकांना कोरोनाची लागण झाली आहे. तर 4 लाख 12 हजार लोकांचा मृत्यू झाला आहे.

Coronavirus | कोरोना व्हायरसने जगभरातील 213 देशांमध्ये हैदोस घातला आहे. मागील 24 तासांमध्ये 1 लाख 21 हजार कोरोनाचे नवे रुग्ण आढळून आले आहेत. तर कोरोनामुळे मृत्यू झालेल्यांच्या संख्येत 4757 ने वाढ झाली आहे. वर्ल्डोमीटरने दिलेल्या माहितीनुसार, जगभरात आतापर्यंत जवळपास, 73 लाख लोकांना कोरोनाची लागण झाली आहे. यापैकी 4 लाख 12 हजार लोकांचा मृत्यू झाला आहे. तर 36 लाख रुग्ण उपचारानंतर कोरोनामुक्त झाले आहेत. जगभरात जवळपास 58 टक्के कोरोनाचे रुग्ण फक्त 8 देशांमधून समोर आले आहेत. या देशांमध्ये कोरोना पीडितांची संख्या 43 लाख एवढी आहे.

जगभरात कोरोनाचा कहर

कोरोनाचा सर्वात जास्त प्रादुर्भाव अमेरिकेत दिसून येत आहे. अमेरिकेत आतापर्यंत 20 लाख लोकांना कोरोनाची बाधा झाली आहे. तर एक लाखांहून अधिक रुग्णांचा मृत्यू झाला आहे. पंरतु, सध्या कोरोनाचं नवं केंद्र ब्राझील असल्याचं समोर येत आहे. ब्राझीलमध्ये अमेरिकेपेक्षा जास्त रुग्ण आणि मृत्यूंची नोंद केली जात आहे. गेल्या 24 तासांमध्ये ब्राझीलमध्ये 3,139 नवे रुग्ण आढळून आले आहेत. तर 1185 रुग्णांचा मृत्यू झाला आहे. तसेच अमेरिकेत गेल्या 24 तासांमध्ये 19056 नवे रुग्ण आढळून आले आहेत, तर 1093 लोकांचा मृत्यू झाला आहे. ब्राझीलमध्ये संसर्ग वेगाने पसरत आहे. ब्राझीलनंतर कोरोनाचा प्रादुर्भाव रूस आणि भारतात सर्वाधित दिसून येत आहे.

पाहा व्हिडीओ : गल्ली ते दिल्ली कोरोनासंदर्भातील महत्त्वाच्या बातम्यांचा आढावा | बातम्यांचं अर्धशतक

अमेरिका : एकूण रुग्ण 2,045,549, एकूण मृत्यू 114,148
ब्राझील : एकूण रुग्ण 742,084, एकूण मृत्यू 38,497
रूस : एकूण रुग्ण 485,253, एकूण मृत्यू 6,142
यूके : एकूण रुग्ण 289,140, एकूण मृत्यू 40,883
स्पेन : एकूण रुग्ण 289,046, एकूण मृत्यू 27,136
भारत : एकूण रुग्ण 276,146, एकूण मृत्यू 7,750
इटली : एकूण रुग्ण 235,561, एकूण मृत्यू 34,043
पेरू : एकूण रुग्ण 203,736, एकूण मृत्यू 5,738
जर्मनी : एकूण रुग्ण 186,516, एकूण मृत्यू 8,831
इराण : एकूण रुग्ण 175,927, एकूण मृत्यू 8,425

8 देशांमध्ये दोन लाखांपेक्षा जास्त रुग्ण

ब्राझील, रूस, स्पेन, यूके, इटली, भारत, पेरूमध्ये कोरोना बाधितांची संख्या दोन लाखांच्या पार पोहोचली आहे. याव्यतिरिक्त सात देश असे आहेत, जिथे एक लाखांहून अधिक कोरोनाचे रुग्ण आहेत. तर पाच देश (अमेरिका, इटली, फ्रान्स, ब्रिटन, ब्राझील) असे आहेत. जिथे 30 हजारांहून अधिक लोकांचा मृत्यू झाला आहे. अमेरिकेमध्ये मृतांचा आकडा 1.14 लाखांच्या पार पोहोचला आहे. चीन टॉप-17 कोरोना बाधित देशांच्या यादीतून बाहेर पडला आहे. तर भारताचा टॉप-6 देशांमध्ये समावेश झाला आहे.

महत्त्वाच्या बातम्या :