Viral Video : प्रयत्नार्थी परमेश्वर ही म्हण आपण लहानपणापासूनच ऐकत आलो आहोत. खऱ्या आयुष्यातही ही म्हण काहींच्या बाबतीत लागू पडलेली दिसते. एखादे ध्येय साध्य करण्यासाठी जे अतोनात मेहनत आणि प्रयत्न करतात, ते कधीच हरत नाहीत. त्याच वेळी, जे लोक स्वतःच्या संघर्षातून तरून पुढे जातात, ते आपल्या मेहनतीच्या जोरावर बराच काळ विजेतेपदावर टिकून राहतात. सोशल मीडियावरही अशाच लोकांच्या अनेक कथा पाहायला मिळतात. इंटरनेटवर असे अनेक व्हिडीओ व्हायरल होतात, ज्यात लोकांचा संघर्ष दिसून येतो. आता असाच एक व्हिडीओ सध्या सोशल मीडियावर चर्चेत आला आहे, ज्यामध्ये एका मुलीच्या जिद्दीची कथा आहे.
सोशल मीडियावर व्हायरल झालेल्या या व्हिडीओमध्ये एक मुलगी तिच्या वाटेत येणारे सगळे अडथळे पार करत जिद्दीने आपलं ध्येय गाठताना दिसत आहे. हा व्हिडीओ एका शर्यतीतला आहे. जेव्हा शर्यत सुरु होते, तेव्हा ही मुलगी आपल्या शरीरातील सर्व बाल एकवटून धावण्यास सुरुवात करते. सगळ्यात पुढे असताना तिच्या पायातील बूट मध्येच निघतो, ज्यामुळे तिच्या मार्गात अडथळा येतो. या वेळेत अनेक स्पर्धक तिच्या पुढे निघून जातात.
जिंकण्याचा निश्चय पक्का!
मात्र, हार न मानता किंवा खचून न जाता ही मुलगी आपले बूट पुन्हा पायात चढवते आणि पुन्हा एकदा आपल्या शरीरातील सर्व शक्ती पणाला लावून पाळण्यास सुरुवात करते. ती नुसतीच पळत नाहीत, तर प्रचंड वेगाने धावते आणि इतर मुलींच्या बरोबरीत येते. हळूहळू स्वतःचा वेग वाढवून ही मुलगी शर्यत जिंकते! या मुलीचा हा व्हिडीओ सध्या सोशल मीडियावर प्रचंड चर्चेत आला आहे. जिद्द आणि मेहनतीच्या जोरावर माणूस असाध्य ही साध्य करू शकतो, हे या लहान मुलीने सगळ्यांना दाखवून दिले आहे.
पाहा व्हिडीओ :
या मुलीचा हा व्हिडीओ सोशल मीडिया साईट इन्स्टाग्रामवर शेअर करण्यात आला आहे. लोकांना तिचा हा व्हिडीओ खूप आवडला आहे. त्याचबरोबर या व्हिडीओला आतापर्यंत 28 हजारांहून अधिक लाईक्स मिळाले आहेत. लोक या व्हिडीओवर भरभरून लाईक्स आणि कमेंट करत, तिचे कौतुक करत आहेत.
हेही वाचा :