Bhiwandi : पुरात वाहून गेलेल्या कामगाराचा मृतदेह सापडला; मात्र पाच वर्षीय चिमुरडीचा शोध सुरूच

Bhiwandi Latest Marathi News :  शुक्रवारी झालेल्या मुसळधार पावसामुळे नदी नाले व ओढे तुडुंब भरून वाहत होते.

bhiwandi

Bhiwandi Latest Marathi News :  शुक्रवारी झालेल्या मुसळधार पावसामुळे नदी नाले व ओढे तुडुंब भरून वाहत होते. शहरातील वाहत्या नाल्यात व खाडीपात्रात वाहून गेल्याने पाच वर्षीय चिमुरडी आणि टोरेंट वीज कंपनीत कंत्राटी तत्वावर काम करणारा कामगार वीज वाहिनी दुरुस्तीचे काम करत असतानाच खाडीच्या प्रवाहात वाहून गेला होता.  कामगाराचा मृतदेह सापडला आहे. पण तीन दिवसानंतरही पाच वर्षीय चिमुकलीचा शोध अद्याप सुरुचा आहे. 

मृत उबेदूर रहमान अंसारी वय 36 वर्ष (रा.शांतीनगर )हा आपल्या भावासह शुक्रवारी सायंकाळी कांबेगाव येथे टोरेंट वीज कंपनीच्या एका खासगी कंत्राटदाराकडे विजेचे काम करत होता. त्यावेळी काम करत असतानाच अचानक पुराचे पाणी त्याच्या चोही बाजूने वाढल्याने तो  जीव वाचविण्यासाठी उच्चदाब असलेल्या विजेच्या तारेला लटकला. त्यानंतर सुमारे दोन तास तो मदतीसाठी याचना करत होता. मात्र त्याला वाचविण्यासाठी  भिवंडी महापालिकेची आपत्कालीन व्यवस्था आली  नाही.  शिवाय टोरेंट वीज कंपनीच्या अधकिऱ्यानेही माझ्या भावाच्या बचावासाठी बचाव पथक पाठवले नसल्याचा आरोपी मृत उबेदूरच्या भावाने केला.  दुसरीकडे मृत उबेदूरच्या दोन मुलावरून वडिलांचे  छत्र हरपल्याने शांतीनगर परिसरात हळहळ व्यक्त केली जात आहे. 

दुसऱ्या घटनेतील गुलनाझ खातून मोहम्मद अख्तर अंसारी वय पाच वर्ष  रा.आझमी नगर दिवानशाह दर्गारोड असे चिमुरडीचे नाव आहे. शुक्रवारी दुपारी तिचे वडील नमाज पठण करून आल्यानंतर काही काळ विश्रांती घेत होते. यावेळी घराशेजारी असलेल्या नाल्यावर बनवलेल्या तात्पुरत्या स्वरूपाच्या लाकडी पुलावर गुलनाझ मैत्रिणीसह खेळत होती.यावेळी खेळता खेळता तिचा तोल गेल्याने ती नाल्यात वाहून गेली. घटनेनंतर तिच्या वडिलांनी व परिसरातील नागरिकांनी तिला शोधण्यासाठी प्रयत्न केले मात्र ती सापडली नाही. त्यांनतर मनपा आपत्ती विभाग व अग्निशमन दलाच्या जवानांनी शुक्रवारी सायंकाळी शोध घेतला मात्र ती मिळाली नसल्याने शोध मोहीम थांबवून पुन्हा शनिवारी सकाळपासून तिची शोध मोहीम सुरू होती.  मात्र 48 तास उलटल्यानंतरही तिचा शोध लागला नाही. याप्रकरणी भोईवाडा पोलीस ठाण्यात नोंद करण्यात आली आहे.