Samsung Galaxy F23 5G : सॅमसंगचा नवीन स्मार्टफोन Samsung Galaxy F23 5G भारतात लवकरच लाँच होणार आहे. Samsung Galaxy F23 5G भारतात 8 मार्च रोजी लॉन्च होईल. सॅमसंगचा हा फोन फ्लिपकार्ट आणि सॅमसंगच्या ऑनलाइन स्टोअरवरून विकला जाईल. सॅमसंगने म्हटले आहे की, तरुणाईच्या गरजा लक्षात घेऊन गॅलेक्सी F23 5G लाँच केला जाईल.


Galaxy F23 5G हा सॅमसंगच्या एफ सीरीज (F Series) अंतर्गत 2022 मध्ये लाँच होणारा पहिला फोन असेल. Snapdragon 750G प्रोसेसर Galaxy F23 5G सह उपलब्ध असेल. गॅलेक्सी एफ सीरीजचा हा पहिला फोन असेल ज्यामध्ये स्नॅपड्रॅगन प्रोसेसर उपलब्ध असेल.


याशिवाय या सॅमसंग फोनला 120Hz च्या रिफ्रेश रेटसह फुल एचडी प्लस डिस्प्ले मिळेल. Gorilla Glass 5 चे संरक्षक स्क्रिन उपलब्ध असेल. Gorilla Glass 5 सह लॉन्च होणारा Galaxy F मालिकेतील हा पहिला फोन असेल.


फ्लिपकार्टच्या प्रोडक्ट पेजनुसार, या फोनला तीन रियर कॅमेरे मिळतील आणि त्यात वॉटर ड्रॉप नॉच डिस्प्ले असेल. फोनमध्ये टाइप-सी चार्जिंग पोर्ट व्यतिरिक्त, एक 3.5 मिमी हेडफोन जॅक देखील उपलब्ध असेल. पॉवर आणि व्हॉल्यूम बटणे उजवीकडे आढळतील, तर सिम कार्ड ट्रेला डावीकडे स्थान मिळाले आहे. Galaxy F23 5G ची किंमत रु. 25,000-30,000 च्या दरम्यान असू शकते.


सॅमसंगने अलीकडेच Galaxy S22 सीरीज सादर केली आहे. Galaxy S22 सीरीज अंतर्गत तीन फ्लॅगशिप स्मार्टफोन लाँच करण्यात आले आहेत, ज्यात Samsung Galaxy S22, Galaxy S22+ आणि Galaxy S22 Ultra यांचा समावेश आहे. यापैकी, Galaxy S22 Ultra सर्वात मोठी फ्लॅगशिप आहे. Galaxy S22 मालिकेसह, Samsung ने प्रथमच S Pen ला सपोर्ट केला आहे. S Pen साठी सपोर्ट फक्त Galaxy S22 Ultra मध्ये दिला आहे.


महत्वाच्या बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha