OnePlus ची ग्राहकांसाठी भेट, लाँचपूर्वी OnePlus 10 Pro मिळवण्याची संधी, फक्त 'हा' फॉर्म भरावा लागेल

OnePlus 10 Pro : भारतीय यूजर्सना OnePlus 10 Pro स्मार्टफोन लाँच होण्यापूर्वीच मिळवण्याची आणि वापरण्याची संधी मिळणार​आहे. यासाठी तुम्हाला फक्त एक फॉर्म भरावा लागणार आहे.

OnePlus 10 Pro

OnePlus 10 Pro : वनप्लसने (OnePlus) आपल्या चाहत्यांसाठी एक भेट आणली आहे. कंपनी वनप्लस यूजर्सना OnePlus 10 Pro स्मार्टफोन लाँच होण्यापूर्वीच मिळवण्याची संधी देत​आहे. कंपनीने OnePlus 10 Pro 5G स्मार्टफोनच्या लॅब एडिशनची घोषणा केली आहे. वनप्लस कंपनीने आपल्या ब्लॉग पोस्टमध्ये म्हटलेआहे की, 'आम्ही आमच्या प्रिय आणि प्रतिभावान वापरकर्त्यांचे 'द लॅब'मध्ये स्वागत करतो आणि आम्ही यूजर्सला इतर कोणाच्याही आधी उत्पादन वापरण्याची संधी देत आहोत', 

भरावा लागणार 'हा' फॉर्म 
कंपनीने सांगितले आहे की, वनप्लस यूजर्सना कंपनी आगामी नवीन उत्पादन म्हणजेच OnePlus 10 Pro 5G मिळवण्याची, रिव्हयू करण्याची आणि वापरण्याची संधी देणार आहे. ज्या व्यक्तीला तंत्रज्ञानाची आवड आहे, ज्याला स्मार्टफोनबद्दल सखोल ज्ञान आणि आवड आहे असा कोणीही व्यक्ती याचा एक भाग बनू शकतो. मात्र, यासाठी तुम्हाला OnePlus 10 Pro च्या प्रोडक्ट पेजवर जाऊन फॉर्म भरावा लागेल.

वनप्लसने 17 मार्चपासून यासाठी अर्ज प्रक्रिया सुरू केली असून याची शेवटची मुदत 26 मार्चपर्यंत आहे. 28 मार्चपासून, कंपनी OnePlus 10 Pro 5G चे पुनरावलोकन (Review) करणार्‍यांची नावे जाहीर करेल आणि त्यानंतर डिव्हाइसेस युजर्सना पाठवले जातील. फोनचे अनबॉक्सिंग 31 मार्च रोजी होईल आणि लॅब रिव्हयू 1 एप्रिलपासून सुरू होईल.

OnePlus 10 Pro चे संभाव्य फिचर्स
कंपनीचा नवीन स्मार्टफोन OnePlus 10 Pro ची भारतात लाँचची तारीख लवकरच जाहीर करण्यात येईल. हॅसलब्लॅड कॅमेरा सेन्सर्ससह येणारा कंपनीचा दुसरा फोन असेल. याला नवीन स्नॅपड्रॅगन 8 Gen 1 चिपसेट आणि मागील बाजूस नवीन कॅमेरा मॉड्यूलसह एक नवीन डिझाइन दिले जाऊ शकते. फोनमध्ये 120Hz रिफ्रेश रेटसह AMOLED डिस्प्ले मिळू शकतो.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha