MG Motor इंडियाकडून नवी 'झेडएस ईव्ही 2021' लॉन्च, एकदा चार्ज केल्यावर गाठणार लांबचा पल्ला

अपडेट व्हर्जनमध्ये सर्वोत्तम वर्गात 44.5 kWh हाय टेक बॅटरी असून, ही बॅटरी एकदा चार्ज केल्यावर फार लांबचा पल्ला गाठते.

मुंबई : (MG Motor) एमजी मोटर इंडियाने नवी झेडएस ईव्ही 2021 ही 20.99 लाख रुपये किंमतीत (एक्स-शोरूम, नवी दिल्ली) लॉन्च केली आहे. या अपडेट व्हर्जनमध्ये सर्वोत्तम वर्गात 44.5 kWh हाय टेक बॅटरी असून, ही बॅटरी एकदा चार्ज केल्यावर फार लांबचा पल्ला गाठते. अर्थात ही कार 419 किमीचं अंतर कापते.

नव्या 215/55/R17 टायर्ससह सुसज्ज आहे. देशभरात चार्जिंग इकोसिस्टिमचा विस्तार करत झेडएस ईव्ही 2021 ही आता 31 शहरांमध्ये बुकिंगसाठी उपलब्ध करून देण्यात आली आहे. जानेवारी 2020 मध्ये सुरुवातीला ही कार 5 शहरांमध्ये लॉन्च करण्यात आली होती. एमजी झेडएस ईव्ही ही 143 पीएस पॉवर आणि 350 एनएम टॉर्सह येते तसेच ती 0 ते 100 kmph अंतर 8.5 सेकंदात पोहोचू शकते. ही कार एक्साइट आणि एक्सक्लुझिव्ह या प्रकारांत उपलब्ध आहे. भारतातील पहिली पूर्ण इलेक्ट्रिक इंटरनेट एसयुव्ही म्हणून या कारमध्ये अनेर नावीन्यपूर्ण सुविधा आहेत. यामध्ये पॅनोरमिक सनरुफ, 2.5 पीएम फिल्टर इत्यादींचा समावेश आहे.

झेडएस ईव्ही सोबत एमजीने आपल्या ग्राहकांना 5- वे चार्जिंग इकोसिस्टिम दिले असून घर किंवा ऑफिसमध्ये मोफत एसी फास्ट चार्जर, पोर्टेबल इन-कार चार्जिंग केबल, डीलरशिपसाठी डीसी सुपरफास्ट चार्जिंग स्टेशन, 24*7 चार्ज-ऑन-द-गो सुविधा (५ शहरांमध्ये) आणि सॅटेलाइट शहर तसेच पर्यटन केंद्रांमध्ये चार्जिंग स्टेशन आहेत.

कारनिर्मात्याने ‘इको ट्री चॅलेंज’ देखील आणले असून याअंतर्गत झेडएस ईव्ही मालक पर्यावरणीय उपक्रमात सहभागी होऊ शकतात. याद्वारे त्यांची CO2 सेव्हिंग आणि रिअल टाइममध्ये राष्ट्रीय क्रमवारी तपासू शकतात. एमजी झेडएस ईव्ही 2021 ही एमजी ईशील्ड सोबत संरक्षित असून, याद्वारे कारनिर्माता 8 वर्षांसाठी अमर्याद किमीकरिता 5 वर्षांची मोफत वॉरंटी/1.5 लाख किमी वॉटंरी बॅटरीपॅक सिस्टिमसाठी, 5 वर्षांसाठी राउंड-द-क्लॉक रोडसाइड असिस्टन्स आणि 5 लेबर-फ्री सर्व्हिसेस दिल्या जातात.