5G Launch Date : 'या' दिवशी भारतात 5G सेवा सुरु होण्याची शक्यता, स्पेक्ट्रमचा होणार लिलाव

5G Launch Month : स्पेक्ट्रमच्या (Spectrum) लिलावाची प्रक्रिया अधिक स्पर्धात्मक बनवण्यासाठी ट्रायने (TRAI) ने 700 मेगाहर्टच्या किमतीत 40 टक्क्यांची कमी करण्याची विनंती केली आहे.

5G Network

5G Launch 2022 : भारताता लवकरच 5G सेवेचा लाभ येणार आहे. देशात आगस्ट- सप्टेंबर महिन्यापर्यंत 5G सेवा सुरु होण्याचा अंदाज वर्तवला जात आहे. सरकारी सुत्रांनी दिलेल्या माहितीनुसार, 5G लाँच झाल्यानंतर या तंत्रज्ञानामुळे भारताला मोठा फायदा होणार आहे. याशिवाय जागतिक स्तरावरही भारताला याचा मोठा लाभ मिळणार आहे. 

स्वदेशी 5G तंत्रज्ञान स्वदेशी 5G खाजगी कंपन्यांना जागतिक बाजारपेठेत आपले स्थान निर्माण करण्यास मदत करेल. देशातील पहिला 5G कॉल ऑगस्ट-सप्टेंबरमध्ये सुरु करण्याचा प्रयत्न असेल. यासाठी जून ते जुलै दरम्यान स्पेक्ट्रम लिलाव प्रक्रिया घेण्यात येणार आहे. दरम्यान, स्पेक्ट्रमचा लिलाव 20 वर्षांसाठी असेल किंवा 30 वर्षांसाठी असेल याबाबत कोणतीही स्पष्ट माहिती समोर आलेली नाही.

स्पेक्ट्रम म्हणजे काय?
स्पेक्ट्रम म्हणजे रेडिओ फ्रिक्वेन्सी. याचा वापर करत वायरलेस सिग्नल जगभरातील कोणत्याही ठिकाणी पोहोचवता येतात. या सिग्नलचा वापर इंटरनेटसाठी महत्त्वाचा आहे. यामुळे तुमच्या मोबाईल फोनला सिग्नल अेनक किलोमीटर दूर असलेल्या दुसऱ्या व्यक्तीपर्यंत पोहोचतो. यामुळे स्पेक्ट्रम लिलाव ही महत्त्वाची प्रक्रिया मानली जात आहे.

स्पेक्ट्रम म्हणजे रेडिओ फ्रिक्वेन्सीचा वापर करत तुम्हाला मोबाइल डिव्हाइसवरून कॉल करणे आणि मॅप यासारख्या इतर सेवा सुरळीतपणे होण्यासाठी केला जातो. स्पेक्ट्रम म्हणजे रेडिओ फ्रिक्वेन्सी मधूनच सिग्नल दिले आणि मिळवले जातात. आता 5G साठी या स्पेक्ट्रमचा लिलाव होईल. त्यानंतर स्पेक्ट्रम विकत घेतलेल्या कंपनीकडून ग्राहकांना 5G सेवा मिळेल.

दूरसंचार नियामक मंडळाने म्हणजेच ट्रायने (TRAI) ने स्पेक्ट्रमसाठी अनेक बँड्सवर मूळ किमतीवर 7.5 लाख कोटी रुपयांपेक्षा जास्त किमतीत लिलाव करण्याची योजना आखली आहे. दूरसंचार मंत्रालय आणि ट्रायमध्ये स्पेक्ट्रमच्या लिलावासाठीच्या किमतीवर एकमत झालेलं नाही. त्यांच्यामध्ये लिलावाबाबत सध्या विचार विनिमय सुरु आहे. स्पेक्ट्रमच्या लिलावाची प्रक्रिया अधिक स्पर्धात्मक बनवण्यासाठी ट्रायने (TRAI) ने 700 मेगाहर्टच्या किमतीत 40 टक्क्यांची कमी करण्याची विनंती केली आहे.

यंदा देशात येणार 5G
अर्थमंत्री निर्मला सीतारमण यांनी इंटरनेट सुविधा अधिक कार्यक्षम आणि वेगवान करण्यासाठी  लवकरच भारतातही 5जी (5G) सुविधेचा लाभ घेता येणार असल्याची घोषणा केली होती. सीतारमण यांनी सांगितलं होतं की, 2022 मध्ये खाजगी टेलिकॉम कंपन्यांच्या 5G मोबाइल सेवांसाठी आवश्यक स्पेक्ट्रम लिलाव (Spectrum Auction) आयोजित केला जाईल. 

ग्रामीण आणि दुर्गम भागात परवडणारे ब्रॉडबँड (Broadband) आणि मोबाईल कम्युनिकेशन (Mobile Communication) सक्षम करण्यासाठी PLI योजनेचा एक भाग म्हणून 5G इकोसिस्टमसाठी डिझाईन नेतृत्वाखालील उत्पादनाची योजना सुरू केली जाईल. परवडणारी ब्रॉडबँड आणि मोबाईल सेवा सक्षम करण्यासाठी आणि ग्रामीण भागात प्रसार करण्यासाठी, निधी अंतर्गत वार्षिक संकलनाच्या 5 टक्के वाटप केलं जाईल. 

महत्त्वाच्या इतर बातम्या :