Actor Siddharth Wedding : कुठेच चर्चा नाही, कोणाला सांगितलंही नाही; अभिनेता सिद्धार्थनं गुपचूप उरकलं दुसरं लग्न, बॉलिवूडच्या अभिनेत्रीसोबत घेतली सप्तपदी
Siddharth Aditi Rao Hydari Wedding : अभिनेत्री अदिती राव हैदरीने विवाहबंधनात अडकली आहे. अदितीने आपला प्रियकर अभिनेता सिद्धार्थसोबत विवाह केला आहे.
Aditi Rao Hydari Wedding : बॉलिवूडमध्ये सध्या लगीनघाई सुरू आहे. मराठीसह बॉलिवूडमध्ये सेलिब्रिटी कपल्सने लग्नगाठ बांधली आहे. अभिनेता सिद्धार्थ याने दुसऱ्यांदा लग्नगाठ बांधली आहे. अभिनेत्री अदिती राव हैदरी (Aditi Rao Hydari) विवाहबंधनात अडकली आहे. अदितीने आपला प्रियकर सिद्धार्थसोबत (Siddharth) विवाह केला आहे. तेलंगणामधील मंदिरात या दोघांनी विवाह केला (Siddharth Aditi Rao Hydari Wedding) असल्याची माहिती समोर आली आहे. या विवाह सोहळ्यात कुटुंबीय आणि जवळचा मित्र परिवार उपस्थित होता. अदिती आणि सिद्धार्थ यांचा हा दुसरा विवाह आहे. अभिनेत्री तापसी पन्नूने काही दिवसापूर्वीच गुपचूप लग्न उरकल्याची चर्चा सुरू झाली होती. आता सिद्धार्थ आणि अदिती विवाहबंधनात अडकले आहेत.
मीडिया रिपोर्ट्सनुसार, मंगळवार 27 मार्च रोजी आदिती राव हैदरी आणि सिद्धार्थने श्रीरंगापुरममधील श्री रंगनायकस्वामी मंदिरात सप्तपदी घेतल्या. लग्नाचे फोटो अद्याप समोर आलेले नाहीत. मात्र, हे दोघेजण आज सायंकाळपर्यंत आपल्या विवाहाची अधिकृतपणे घोषणा करू शकतात.
View this post on Instagram
View this post on Instagram
आंध्र प्रदेशमधील एका वृत्तसंस्थेने दिलेल्या वृत्तानुसार, सिद्धार्थ आणि आदिती यांचे आज तेलंगणातील वानपर्थी जिल्ह्यात असलेल्या श्रीरंगापुरम येथील श्री रंगनायकस्वामी मंदिरात लग्न झाले. नवविवाहित जोडप्याच्या एका झलकची चाहते आतुरतेने वाट पाहत आहेत. दरम्यान, चाहत्यांकडून सोशल मीडियावर त्याचे अभिनंदन केले जात आहे.
View this post on Instagram
सिद्धार्थ आणि अदिती हे 2021 मध्ये तामिळ-तेलुगू भाषेतील चित्रपट 'महा समुद्रम'च्या सेटवर भेटले होते. त्यानंतर दोघांमध्ये जवळीक वाढली. या दोघांमध्ये प्रेमप्रकरण सुरू असल्याची चर्चा होती. मात्र, या दोघांनी या चर्चांवर भाष्य केले नव्हते. मात्र, नव्या वर्षाच्या पहिल्याच दिवशी अदिती राव हैदरीने सिद्धार्थसोबतचे नाते मान्य केले होते.
अदिती आणि सिद्धार्थचा दुसरा विवाह
अभिनेत्री अदिती राव हैदरी आणि अभिनेता सिद्धार्थ यांचे हे दुसरे लग्न आहे. अदितीचा पहिला विवाह हा अभिनेता सत्यदिप मिश्रासोबत झाला होता. अदितीचा पहिला विवाह वयाच्या 24 व्या वर्षी झाला होता. मात्र, अदितीने सिनेसृष्टीत नशीब आजमावण्यास सुरुवात केल्याने लग्नाची लपवण्यात आली होती. काही वर्षानंतर दोघांनी विभक्त होण्याचा निर्णय घेतला. अभिनेता सिद्धार्थ याने दिल्लीतील मेघना नारायण हिच्यासोबत 2003 मध्ये विवाह केला होता. मात्र, लग्नाच्या चार वर्षातच दोघांमध्ये वाद होई लागल्याने अखेर त्यांनी 2007 मध्ये घटस्फोट घेतला. अभिनेता सिद्धार्थ आणि अभिनेत्री श्रुती हसन यांच्यातही प्रेमप्रकरण सुरू असल्याची चर्चा होती.
Before You Go
Analogue paneer Special Report : महाराष्ट्रात ॲनालॉग पनीरवर वर्षभराची बंदी, तुकाराम मुंढेंचा तडाखा
महत्त्वाच्या बातम्या
