पृथ्वीराज चव्हाणांना विचारुनच अजितदादांच्या राष्ट्रवादीत प्रवेश, उदयसिंग उंडाळकरांचं मोठं वक्तव्य
काँग्रेस सरचिटणीस उदयसिंह पाटील उंडाळकर (Udaysinh Undalkar) यांनी हजारो कार्यकर्त्यांसह राष्ट्रवादी काँग्रेस अजित पवार गटात प्रवेश केला आहे.
Udaysinh Undalkar : काँग्रेस सरचिटणीस उदयसिंह पाटील उंडाळकर (Udaysinh Undalkar) यांनी हजारो कार्यकर्त्यांसह राष्ट्रवादी काँग्रेस अजित पवार गटात प्रवेश केला आहे. राज्याचे उपमुख्यमंत्री अजित पवार यांच्या उपस्थितीत उंडाळकरांचा राष्ट्रवादीत प्रवेश झाला. हा राज्याचे माजी मुख्यमंत्री पृथ्वीराज चव्हाण यांना मोठा धक्का मानला जात आहे. याबाबत बोलताना उदयसिंग उंडाळकर यांनी मोठं वक्तव्य केलं आहे. पृथ्वीराज चव्हाण यांना विचारुनच अजितदादांच्या राष्ट्रवादीमध्ये प्रवेश करण्याचा निर्णय घेतला असल्याचं मोठं वक्तव्य उदयसिंग उंडाळकर यांनी केलं आहे.
मुख्यमंत्री पृथ्वीराज चव्हाण यांना सांगून दीड महिन्यापूर्वीच राजीनामा दिला होता
काँग्रेसचे माजी मुख्यमंत्री पृथ्वीराज चव्हाण यांचे जुने सहकारी स्वर्गीय विलासकाका उंडाळकर यांचे पुत्र उदयसिंह उंडाळकर यांनी अजित पवार यांच्या उपस्थितीत आज राष्ट्रवादीमध्ये प्रवेश केला आहे. माजी मुख्यमंत्री पृथ्वीराज चव्हाण यांना सांगून दीड महिन्यापूर्वीच राजीनामा दिला होता. त्यानंतर आद उपमुख्यमंत्री अजित पवार यांच्या राष्ट्रवादीमध्ये मी प्रवेश केला आहे असे उंडाळकर म्हणाले. पृथ्वीराज चव्हाण आणि कार्यकर्त्यांना सांगून हा निर्णय घेतला आहे.
उदयसिंह उंडाळकरांचा राष्ट्रवादीत प्रवेश म्हणजे दोन यशवंत विचारांचा प्रीतिसंगम : अजित पवार
यशवंतराव चव्हाण यांच्या कर्मभूमीमध्ये रयत संघटनेचे प्रमुख उदयसिंह उंडाळकर यांच्या पक्ष प्रवेशासाठी मी आलो आहे. 35 वर्षाच्या राजकीय जीवनाचा अनुभव आहे, मी विलास काकांसोबत राज्य सहकारी बँक, जिल्हा बँक, मंत्री मंडळात काम केलं आहे. उदयसिंह उंडाळकर यांचा पक्ष प्रवेश म्हणजे, दोन यशवंत विचारांचा प्रीतिसंगम होत आहे याचा मला आनंद आहे असे अजित पवार म्हणाले. पृथ्वीराज चव्हाण यांच्या विरोधात अपक्ष विलास काका उंडाळकर लढले, विलास काका 2014 ला घडाळाच्या चिन्हावर निवडणूक लढले असते तर त्यावेळीच निकाल वेगळा असता असे अजित पवार म्हणाले. भारतातील सर्वात जास्त नफा कमावून देणारी बँक विलास काकांच्या नेतृत्वाखालची सातारा जिल्हा मध्यवर्ती बँक आहे. सहकारासह राजकारण करत त्यांच्या पावलावर पाऊल ठेऊन उदयसिंह दादा राजकारण करत आहेत. उदयसिंह उंडाळकर यांची आगीतून उठून फुफुटामध्ये आलोय अशी अवस्था होणार नाही. संपूर्ण महाराष्ट्राची ताकद उदयसिंह उंडाळकर यांच्या मागे उभी करणार आहे. विलास काकांचं पाण्याचे स्वप्न उदयसिंह उंडाळकरांच्या माध्यमांतून आपण पूर्ण करणार असल्याचे अजित पवार म्हणाले.
महत्वाच्या बातम्या:
कराडमध्ये पृथ्वीराज चव्हाणांना धक्का, उदयसिंह उंडाळकरांचा राष्ट्रवादीत प्रवेश, दोन यशवंत विचारांचा प्रीतिसंगम झाला, अजित पवारांची प्रतिक्रिया
Before You Go
Manoj Jarange Patil Sangli : मराठा आमदार-खासदारांचे फोन; गुपचूप पाठिंबा असल्याचा जरांगेंचा दावा
महत्त्वाच्या बातम्या
