Raigad Accident : सहलीवरुन परत येणाऱ्या बसचा माणगाव - रायगड रस्त्यावर अपघात, 10 प्रवासी जखमी
माणगाव ते किल्ले रायगड रस्त्यावर सहलीवरुन परत येणाऱ्या बसला अपघात (Accident) झाल्याची घटना घडली. यामध्ये 10 प्रवासी जखमी झाल्याची माहिती मिळाली आहे.
Raigad Bus Accident : माणगाव ते किल्ले रायगड रस्त्यावर सहलीवरुन परत येणाऱ्या बसला अपघात (Accident) झाल्याची घटना घडली. ही बस सुमारे 10 ते 15 फूट खाली कोसळली आहे. यामध्ये 10 प्रवासी जखमी झाल्याची माहिती मिळाली आहे. ते प्रवासी किल्ले रायगडावर गेले होते. परतत असताना बसला हा अपघात झाला आहे. हे प्रवासी पुण्यातील निगडीचे असल्याची माहिती मिळाली आहे. दरम्यान, जखमींमध्ये तीन महिलांचा समावेश आहे. जखमींवर पाचाड प्राथमिक आरोग्य केंद्र येथे उपचार सुरू आहेत.
सर्व प्रवासी किल्ले रायगडावर छत्रपती शिवाजी महाराज यांचे दर्शन घ्यायला आले होते. आज सायंकाळच्या सुमारास परतीच्या मार्गावर असताना किल्ले रायगड ते निजामपूर मार्गावरील घरोशीवाडीनजीक या बसचा अपघात झाला. यावेळी, अवघड वळणावर बसवरील ताबा सुटल्याने बस रस्त्याखाली सुमारे 10 ते 15 फूट कोसळली. यामुळं या अपघातात बसमधील 10 प्रवासी जखमी झाले असून दोन प्रवासी गंभीर जखमी झाल्याची माहिती मिळाली आहे.
गंभीर जखमी झालेल्या प्रवाशांवर माणगावच्या हॉस्पीटलमध्ये उपचार सुरु
या बसमध्ये पालकांबरोबर त्यांची मुलेही होती. हे सगळे रायगडच्या सहलीसाठी आले होते. रायगडची सहल करुन हे प्रवासी परत जात होते. परतीच्या प्रवास सुरु असताना बसच्या चालकाचा ताबा सुटल्यानं बस रस्त्यावरुन 15 ते 20 फूट खाली दरीमध्ये कोसळल्याची माहिती स्थानिक रहिवासी रघुवीर देशमुख यांनी दिली. यामध्ये महिलाही जखमी झाल्या आहेत. ही घटना घडल्यानंतर लगेच मी घटनास्थळी गेलो होतो. त्यानंतर सर्व जखमी प्रवाशांना घेऊन मी पाचाडच्या प्राथमिक आरोग्य केंद्रात आल्याची माहिती रघुवीर देशमुख यांनी दिली. या सर्वांवर उपचार सुरु केले. जे प्रवासी गंभीर जखमी झाले होते, त्या प्रवाशांना पाचाडच्या प्राथमिक आरोग्य केंद्रातील अॅम्ब्युलन्सच्या सहाय्याने माणगावच्या सिव्हील हॉस्पीटलमध्ये भर्ती केल्याचे रघुवीर देशमुख यांनी सांगितले. ग्रमास्थ आणि बाकीच्या लोकांच्या सहकार्यामुळं योग्य तो प्राथमिक उपचार झाला आहे. आणखी काही जखमी प्रवाशांना माणगावच्या हॉस्पीटलमध्ये पाठवण्यात येणार असल्याचे रघुवीर देशमुख म्हणाले.
महत्त्वाच्या बातम्या
