![ABP Premium](https://cdn.abplive.com/imagebank/Premium-ad-Icon.png)
Pune SPPU News: पुणे विद्यापीठात विद्यार्थ्यांचं फीवाढ विरोधात जोरदार आंदोलन
विद्यार्थी अभ्यासकांनी पीएचडी फी वाढीच्या निर्णयाला विरोध केल्यानंतर सावित्रीबाई फुले पुणे विद्यापीठाने (SPPU) पीएचडी फी वाढीचा आढावा घेण्यासाठी एक समिती नेमली आहे.
![Pune SPPU News: पुणे विद्यापीठात विद्यार्थ्यांचं फीवाढ विरोधात जोरदार आंदोलन Students To Protest At Pune University For Various Demands Pune SPPU News: पुणे विद्यापीठात विद्यार्थ्यांचं फीवाढ विरोधात जोरदार आंदोलन](https://feeds.abplive.com/onecms/images/uploaded-images/2022/07/11/0646495c2d0ef80f29f25d80a7f290021657523037_original.png?impolicy=abp_cdn&imwidth=1200&height=675)
Pune SPPU News: सावित्रीबाई फुले पुणे विद्यापीठाने (SPPU) यावर्षी विविध अभ्यासक्रम आणि वसतिगृहांच्या शुल्कात वाढ केली आहे. या संदर्भात विद्यार्थी व विविध विद्यार्थी संघटनांनी प्रशासनाला ही भाडेवाढ रद्द करावी, असे पत्र दिले होते, मात्र आजतागायत प्रशासनाने त्याची कोणतीही दखल घेतलेली नाही. त्यामुळे आज 11 जुलैपासून प्रशासन आपल्या मागण्या मान्य करत नाही तोपर्यंत विद्यापीठातील विद्यार्थी आणि विविध विद्यार्थी संघटना आंदोलन करणार आहेत. विदयापीठ विद्यार्थी संघर्ष कृती समितीच्या वतीने आंदोलन करण्यात येणार आहे.
विद्यापीठाने लागू केलेल्या शुल्कवाढीबाबत विविध विद्यार्थी संघटना आणि विद्यार्थ्यांच्या मागण्यांची प्रशासनाने कोणतीही दखल घेतली नाही. अखेर आंदोलनाचा इशारा दिल्यानंतर फी वाढीचा आढावा घेण्यासाठी समिती स्थापन करण्यात आली. मात्र, समितीकडून अद्याप कोणताही समाधानकारक निर्णय झालेला नाही. विद्यापीठाच्या या विचित्र कारभाराचा विद्यार्थ्यांच्या करिअरवर परिणाम होणार आहे. त्यामुळे उद्यापासून आमच्या मागण्या मान्य होईपर्यंत आंदोलन करू, असे विद्यार्थ्यांनी सांगितले.
विद्यार्थ्यांच्या प्रमुख मागण्या काय आहेत?
पदव्युत्तर आणि पीएच.डी अभ्यासक्रमांची फी वाढ रद्द करावी. वसतिगृहांची फी वाढ रद्द करणे. विद्यापीठाशी संलग्न असलेल्या संशोधन केंद्रांचे शुल्क विद्यापीठाच्या शुल्काशी समांतर असावे. विद्यार्थी संशोधकांसाठी वसतिगृह लवकरात लवकर सुरू करणे. पीएच.डी.साठी फेलोशिप पुन्हा सुरू करण्यासाठी विद्यार्थी संशोधक. अनिकेत कँटीन आणि झेरॉक्स सेंटर, इंटरनेट कॅफे पूर्वीच्या ठिकाणी त्वरित सुरू करण्यात येईल, या मागण्या विद्यार्थांनी केल्या आहेत.
विद्यार्थी अभ्यासकांनी पीएचडी फी वाढीच्या निर्णयाला विरोध केल्यानंतर सावित्रीबाई फुले पुणे विद्यापीठाने (SPPU) पीएचडी फी वाढीचा आढावा घेण्यासाठी एक समिती नेमली आहे. समितीच्या सूचनेनुसार शुल्कात सूट देण्याचा निर्णय घेतला होतो. विद्यापीठाने 2019 मध्ये शुल्काची पुनर्रचना केली, ज्यामध्ये प्रवेश शुल्क आणि अभ्यासक्रम शुल्क वाढविण्यात आले. त्यानंतर फी जवळपास दुप्पट झाली. कोरोनानंतर विद्यापीठाने फी वाढ करण्याचा निर्णय घेतला. मात्र, विद्यार्थी अभ्यासकांनी या दरवाढीला विरोध करत ही फी वाढ अवाजवी असल्याचे सांगत आपली फी कमी करण्याची मागणी केली आहे. त्यामुळे फी वाढीचा आढावा घेण्यासाठी विद्यापीठाने समिती नेमण्याचा निर्णय घेतला होता.
-SPPU Pune News: Phdच्या फी वाढीचा आढावा घेण्यासाठी पुणे विद्यापीठाने नेमली समिती
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)