पुणे विद्यापीठातून बोगस पदवी प्रमाणपत्र; 3 लाख रुपयांत बी.कॉम सर्टिफिकेटचा सौदा, रिक्षावाल्याच्या दाव्याने खळबळ

पुण्यातील एका रिक्षा चालकाने सावित्रीबाई फुले पुणे विद्यापीठाची बनावट डिग्री मिळवण्याचा प्रयत्न केला.

Pune university bugus degree certificate

Source : Abp

पुणे : देशात सध्या नीट पेपरफुटीवरुन (Paper leak) संताप व्यक्त होत असतानाच संसदेत लोक परीक्षा संशोधन विधेयकावर चर्चा सुरू आहे. मात्र, महाराष्ट्रात एमएचटी सीईटी आणि एमपीएससी परीक्षेच्या पेपरफुटीचा मुद्दा पुन्हा केंद्रस्थानी आला आहे. आमदार रोहित पवार यांनी एमपीएससीचा ड्रग्स इन्स्पेक्टरचा पेपर लीक झाल्याचा आरोपही त्यांनी केला असून याप्रकरणी सध्या तपास सुरू आहे. त्यातच, आता पुणे विद्यापीठासंदर्भात (Pune) खळबळजनक दावा करण्यात आला आहे. येथील एका रिक्षाचालकास (Auto rikshaw) तीन लाख रुपयांत पदवी प्रमाणपत्र देण्यात येत असल्याचा दावा करण्यात आला आहे.    

पुण्यातील एका रिक्षा चालकाने सावित्रीबाई फुले पुणे विद्यापीठाची बनावट डिग्री मिळवण्याचा प्रयत्न केला. त्यासाठी, महेश कदम नावाच्या या रिक्षाचालकाने विद्यापीठातील वित्त आणि सेवा विभागातील अधिकारी रमेश मुखेकर याच्याशी संपर्क साधला होता असा दावा केलाय. महेश मुखेकरने तीन लाख रुपयांच्या बदल्यात आपल्या मुलाला बी. कॉमचे बनावट पदवी प्रमाणपत्र देण्याचं कबूल केलं होतं. मात्र, दीड लाख रुपयांवरच हा व्यवहार ठरला होता असा रिक्षाचालक महेश कदम यांचा दावा आहे. सावित्रीबाई फुले पुणे विद्यापीठ प्रशासनाने मात्र विद्यापीठातील कोणी कर्मचारी बनावट डिग्री प्रकरणांत सहभागी आहे का याची चौकशी केली जात असल्याच म्हटलं. त्यामुळे, अद्याप विद्यापीठ प्रशासनाकडून याबाबत अधिकृत माहिती देण्यात आली नाही. मात्र, या घटनेनं आता पुणे विद्यापाठातील बोगस प्रमाणपत्राचा विषय चर्चेत आला आहे. 

राज्यात आधीच पेपरफुटी आणि शिक्षण व्यवस्थेतील अपहार, लाचखोरी, भ्रष्टाचार यावरुन रणकंदन माजलं असताना आता बोगस पदवी प्रमाणपत्र तेही विद्येचं माहेरघर असलेल्या सावित्रीबाई फुले पुणे विद्यापीठातून समोर आल्याने शिक्षणक्षेत्रात पुन्हा खळबळ उडाली आहे. 

हेही वाचा