![ABP Premium](https://cdn.abplive.com/imagebank/Premium-ad-Icon.png)
Vaishali Hotel Pune : बंदुकीच्या धाकावर पुण्यातील हॉटेल वैशाली बळकावण्याचा प्रयत्न, मालकाच्या कन्येचा पतीवर आरोप
Vaishali Hotel Pune : बंदुकीचा धाक दाखवून त्याची पॉवर ऑफ अटॉर्नी स्वतःच्या नावावर करून घेतल्याचा आरोप मालकाच्या मुलीने केला आहे. तसंच, लग्नाआधी त्यानं बलात्कार केल्याचा आरोपही फिर्यादी महिलनं केला आहे.
![Vaishali Hotel Pune : बंदुकीच्या धाकावर पुण्यातील हॉटेल वैशाली बळकावण्याचा प्रयत्न, मालकाच्या कन्येचा पतीवर आरोप Pune News Attempt to seize Hotel Vaishali in Pune at gunpoint owner daughter alleges Fergusson College Road Vaishali Hotel Pune : बंदुकीच्या धाकावर पुण्यातील हॉटेल वैशाली बळकावण्याचा प्रयत्न, मालकाच्या कन्येचा पतीवर आरोप](https://feeds.abplive.com/onecms/images/uploaded-images/2023/06/19/842e221aaa690da4dcaf5147a95769eb168715858992289_original.jpg?impolicy=abp_cdn&imwidth=1200&height=675)
पुणे : पुण्यातील प्रसिद्ध वैशाली हॉटेल (Hotel Vaishali) बळकावण्याचा प्रयत्न होतोय, असा आरोप हॉटेल मालकाच्या कन्येनं तिच्या पतीवर केला आहे. बंदुकीचा धाक दाखवून त्याची पॉवर ऑफ अटॉर्नी स्वतःच्या नावावर करून घेतल्याचा आरोप मालकाच्या मुलीने केला आहे. तसंच, लग्नाआधी त्यानं बलात्कार केल्याचा आरोपही फिर्यादी महिलनं केला आहे. पती, दिर आणि सासू सासऱ्यांविरोधात महिलेनं पोलिसांत तक्रार दिली आहे. शिवाजीनगर पोलीस ठाण्यात या प्रकरणी कौटुंबिक छळाचा गुन्हा दाखल करण्यात आला आहे.
विश्वजीत विनायकराव जाधव (वय 38), अभिजित विनायकराव जाधव (वय 40), विनायकराव जाधव (वय 65), वैशाली विनायकराव जाधव (वय 60) अशी गुन्हा दाखल झालेल्यांची नावे आहेत. 34 वर्षीय विवाहितेने या प्रकरणी तक्रार दिली आहे. जून 2018 ते आतापर्यंत वेळोवेळी हा प्रकार घडल्याचे फिर्यादीने दिलेल्या तक्रारीत म्हटले आहे.
कौटुंबिक छळाचा गुन्हा दाखल
याप्रकरणी अधिक माहिती अशी की, आरोपी पती विश्वजीत याने फिर्यादीला 2018 मध्ये घोले रोड येथील राहत्या घरी नेले आणि दारु व ड्रग्ज पाजून जबरदस्तीने शारीरीक संबंध केले. इतक्यावरच न थांबता आरोपीने पिस्टलचा धाक दाखवून फिर्यादी यांच्याकडून जबरदस्तीने हॉटेल वैशालीची पॉवर ऑफ अटर्नी स्वतःच्या नावावर करून घेतली. फिर्यादीच्या कंपनीच्या नावावर खरेदी केलेल्या चार महागड्या कार परस्पर विकल्या. तसेच फिर्यादी यांचे एक कोटी 70 लाख रुपयांचे दागिने आणि दोन महागड्या कार फिर्यादी आणि त्यांचा भाऊ वापरत असल्याचे तक्रारीत म्हटले आहे. शिवाजीनगर पोलिसांनी या प्रकरणी गुन्हा दाखल केला असून अधिक तपास सुरू आहे.
दाक्षिणात्य पाककृतींची ओळख करून देण्यासाठी पुण्यातील वैशाली हॉटेल प्रसिद्ध
पुणेकरांच्या अनेक पिढ्यांना दाक्षिणात्य पाककृतींची ओळख करून देण्यासाठी पुण्यातील वैशाली हॉटेल प्रसिद्ध आहे. सहा महिन्यापूर्वी वैशाली हॉटेलचे जगन्नाथ शेट्टी यांचे निधन झाले. 1951 साली वैशाली हॉटेलची सुरुवात झाली. त्यांच्या निधनानंतर त्यांची मुलगी वैशाली हॉटेलचा कारभार पाहत होते.
हे ही वाचा :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)