Pune Crime news : मोबाईल पाहतो म्हणून आई रागावली, संतापलेल्या मुलानेच केली आईची हत्या; पुण्यातील प्रकार
Pune Crime News : पुण्यात गुन्हेगारीच्या प्रमाणात सातत्याने वाढ होताना दिसत आहे. त्यातच एका धक्कादायक बातमी समोर आली आहे. अभ्यास करताना सारखा मोबाईल पाहतो म्हणून रागवल्याने मुलाने आईचा खून केल्याचा धक्कादायक प्रकार समोर आला आहे.
Pune Crime news : पुण्यात गुन्हेगारीच्या (crime news) प्रमाणात सातत्याने वाढ होताना दिसत आहे. त्यातच एक धक्कादायक बातमी समोर आली आहे. अभ्यास करताना सारखा मोबाईल पाहतो म्हणून रागवल्याने मुलाने आईचा खून केल्याची घटना समोर आली आहे. 18 वर्षीय तरुणाने स्वतःच्या आईला भिंतीवर ढकलून, गळा दाबून खून केल्याचं पोलीस चौकशीत समोर आलं आहे. पुण्यातील लोणी काळभोर पोलीस ठाण्याच्या हद्दीतून हा धक्कादायक प्रकार समोर आला आहे. पुण्यातील उरळी कांचन भागात ही घटना बुधवारी दुपारी घडली होती.
तस्लिम शेख (37) असे खून झालेल्या महिलेचे नाव असून तिचा मुलगा जिशन शेख (18) असं मुलाचं नाव आहे. तस्लिम शेख या इंदापूर तालुक्यातील भिगवण ग्रामपंचायतच्या सदस्या आहेत. तस्लिम शेख या त्यांच्या पती आणि मुलासह उरळी कांचन भागात राहायला होत्या. सुरुवातीला तस्लिम यांनी आत्महत्या केली, अशी माहिती पोलीसांना मिळाली होती. मात्र शवविच्छेदन झाल्यानंतर ही आत्महत्या नसून खून आहे, असं निष्पन्न झाले. पोलिसांांनी घरातील व्यक्तींची चौकशी केली असता जिशनने सगळा प्रकार सांगितला.
रागावल्याने रचना आईच्या मृत्यूचा बनाव
जिशन हा बारावीला आहे हा अभ्यास करत असताना मोबाईल त्याच्या आईने त्याला मोबाईल पाहतो म्हणून रागवून मारलं होतं. याचा राग अनावर झाल्याने जिशनने त्याच्या आईला भिंतीवर ढकलले आणि तिचा गळा दाबून खून केला. घाबरलेल्या जिशनने त्याच्यावर संशय येऊ नये म्हणून आईच्या हाताची नस कापली मात्र रक्त न आल्याने त्याने मृतदेहाला पंख्याला लटकवले आणि तिने आत्महत्या केली असा बनाव केला.
मुलाने स्वत:च दिली कबुली...
15 तारखेला (बुधवारी) पोलिसांना तस्लीम शेख यांनी आत्महत्या केली असल्याची प्राथमिक माहिती मिळाली होती. त्यानुसार पोलिसांनी प्राथमिक शवविचछेदन अहवालासाठी मृतदेह ससून रुग्णालयात पाठवला. डॉक्टरांच्या प्राथमिक अहवालात गळा दाबून आणि डोक्याला जखम झाल्याने मृत्यू झाल्याचं सांगण्यात आलं. त्यानंतर पोलिसांनी पती जमीर शेख आणि मुलगा यांची वेगवेगळी चौकशी केली. त्या चौकशीतून धक्कादायक माहिती समोर आली. मुलगा मोबाईलमध्ये पाहत बसला असता त्याची आई तस्लीमने रागावून मारल्यामुळे मुलाला राग आला आणि रागाच्या भरात मुलाने आईचा भिंतीवर डोके आपटून खून गळा दाबून खून केल्याची कबुली दिली. या घटनेमुळे सगळीकडे खळबळ उडाली आहे.
Before You Go
Abhijeet Dipke Delhi Airport : बाबासाहेबांचं पुस्तक हाती, अभिजीत दीपके दिल्लीत दाखल
महत्त्वाच्या बातम्या
