रोहित पवारांचं फेसबुक अकाऊंट हॅक, प्रोफाईल फोटोला सिया राजपूत नाव
Rohit Pawar Facebook Account Hack : राष्ट्रवादी काँग्रेसचे आमदार रोहित पवार यांचं फेसबुक अकाऊंट पुन्हा एकदा हॅक झालेय.
Rohit Pawar Facebook Account Hack : राष्ट्रवादी काँग्रेसचे आमदार रोहित पवार यांचं फेसबुक अकाऊंट पुन्हा एकदा हॅक झालेय. रोहित पवार यांनी ट्वीट करत याबाबतची माहिती दिली आहे. रोहित पवार यांच्या फेसबुक प्रोफाईल फोटोलो सिया राजपूत हे नाव दाखवत आहे. तर फेसबुकला सिया राजपूत असं नाव दाखवत आहे.
रोहित पवार सोशल मीडियावर चांगले अॅक्टिव्ह असलेले पाहायला मिळतात. मागील काही दिवसांपासून त्यांची सोशल मीडिया खाती हॅक होत असल्याचे समोर आलेय. रोहित पवार यांनी ट्वीट करत याबाबत संताप व्यक्त केलाय. त्याशिवाय रिकव्हरीसाठी प्रयत्न सुरु आहेत, असे रोहित पवार यांनी आपल्या ट्वीटमध्ये म्हटलेय. दरम्यान, रोहित पवार यांना फेसबुक पेजवर पाच लाखांपेक्षा जास्त फॉलोवर्स आहेत.
गेल्या काही दिवसांपासून माझे सोशल मिडियावरील अकाऊंट हॅक होण्याचे प्रकार सुरु आहेत. आज माझं अधिकृत फेसबुक पेज हॅक झालं आहे. या पेजवर चुकीचा मजकुर दिसून येत असून, कृपया याकडे दुर्लक्ष करावं, असे ट्वीट करत रोहित पवार यांनी समर्थकांना मेसेज दिलाय. दरम्यान, नेमके हे पेज कुठून आणि कोणी हॅक्क केले याचा मात्र सुगावा अजून लागलेला नाही. पण रिकव्हरीसाठी प्रयत्न सुरु आहेत, असे रोहित पवार यांनी सांगितले आहे.
रोहित पवार यांच्या फेसबुक पेजचं युरआरएलही बदलण्यात आल्याचे दिसतेय. युआरएलमध्ये https://www.facebook.com/SiyaRajput.Real असे नाव दिसत आहे. रोहित पवार यांच्या फेसबुक पेजवरुन सिया रजपूत कपड्याच्या ब्रँडची जाहिरात करण्यात आल्याचे दिसतेय. रोहित पवार यांच्या फेसबुक पेजवरुन लागोपाठ तीन ते चार पोस्ट केल्याचे दिसतेय. त्यामध्ये सिया राजपूत कपड्याच्या ब्रँडची जाहीरात असल्याचे दिसतेय. रोहित पवार यांचं पेज नेमके कुठून आणि कुणी हॅक्क केले याबाबत अद्याप कोणतीही माहिती मिळालेली नाही.
— Sagar Khomane (@SagarKh17192525) December 22, 2023
रोहित पवार यांच्या फेसबुकवर खालील मेसेज दाखवला जातेय. त्यामध्ये रोहित पवार यांच्या फेसबुक पेजवर सिया राजपूत असे नाव दिसतेय. त्याशिवाय एक मेसेजही पोस्ट करण्यात आलाय.
रोहित पवार यांच्या समर्थकांकडून याबाबत तीव्र नाराजी व्यक्त केली जात आहे. सोशल मीडियावर पोस्ट करत रोहित पवार यांच्या समर्थकांकडून टीकास्त्र सोडले जात आहे.
रोहित पवार यांचं फेसबुक अकाऊंट हॅक, प्रोफाईल फोटो, नावही बदललं, सोशल मीडियावरील लिंक काढून टाकल्या, सिया राजपूत नावाने फोटो अपलोड
— Political Katta (@PoliticalKattaa) December 22, 2023
महत्त्वाच्या बातम्या
