Weather Update: छत्र्या, रेनकोट तयार ठेवा! पुणे जिल्ह्यात पावसाचा इशारा; हवामान विभागाकडून 'या' जिल्ह्यांना यलो अलर्ट, वाचा हवामान विभागाचा अंदाज
maharashtra weather update: आज (शनिवारी) राज्यातील आठ ते दहा जिल्ह्यांना यलो अलर्ट देण्यात आला असून, हलका ते मध्यम पाऊस पडेल, असा अंदाज हवामान वर्तविला आहे.
पुणे: राज्यात थंडीचा जोर ओसरला आहे. तर काही जिल्ह्यांमध्ये अवकाळी पावसाने हजेरी लावली आहे, राज्यातील आठ ते दहा जिल्ह्यांत आज शनिवारी (दि. 28) हलक्या ते मध्यम स्वरूपाच्या पावसाचा (Pune Rain Update) अंदाज हवामान विभागाने दिला आहे. उद्यापासून (रविवारपासून) राज्यात कोरडे वातावरण तयार होत आहे. त्यामुळे 30 डिसेंबरपासून पुन्हा थंडीमध्ये वाढ होण्यास सुरुवात होईल, असा अंदाज हवामान विभागाने दिला आहे. गेले दोन दिवस राज्यात ढगाळ वातावरण आहे. काही भागांत हलक्या स्वरूपाच्या पावसाने हजेरी लावली आहे. आज (शनिवारी) राज्यातील आठ ते दहा जिल्ह्यांना यलो अलर्ट देण्यात आला असून, हलका ते मध्यम पाऊस पडेल, असा अंदाज हवामान वर्तविला आहे. (Rain Update)
हवामान विभागाने काल (शुक्रवारी) पुण्यात मेघगर्जना आणि विजांच्या कडकडाटासह पावसाचा अंदाज व्यक्त केला होता. मात्र, पुण्यात पावसाने हजेरी लावली नाही. हवेमध्ये काही प्रमाणात गारवा होता. शनिवारी देखील पुण्यात दुपारनंतर हलक्या स्वरूपात सरी कोसळण्याची शक्यता पुणे वेधशाळेने व्यक्त केली आहे. (Rain Update)
शुक्रवारप्रमाणेच आजही (शनिवारीही) आकाश अंशतः ढगाळ राहण्याचा, असा अंदाज हवामान विभागाकडून व्यक्त करण्यात आला आहे. रविवारपासून मात्र संपूर्ण आठवडाभर आकाश निरभ्र राहण्याची शक्यता असून, सकाळी विरळ धुके पडण्याचीही शक्यता वर्तवण्यात आली आहे. शुक्रवारी थंडीची तीव्रता काहीशी कमी झाल्याचे पाहायला मिळाले. आज (शनिवारी) मात्र कमाल तापमान स्थिर राहणार असून, किमान तापमानात वाढ होण्याचा अंदाज व्यक्त केला आहे. त्यामुळे उकाड्यात आणखी वाढ होण्याची शक्यता आहे. (Rain Update)
पुण्यात शनिवारी किमान तापमानात चार अंशांनी वाढ होऊन ते 19 अंशांवर जाण्याची शक्यता आहे. शनिवारी कोकणात हवामान कोरडे राहणार असून मध्य महाराष्ट्र, मराठवाडा, विदर्भ येथे तुरळक ठिकाणी मेघगर्जनेसह विजांचा कडकडाट होण्याची शक्यता व्यक्त केली आहे.दक्षिण केरळ लगतच्या अरबी समुद्रात समुद्र सपाटीपासून 3.1 किलोमीटर उंचीपर्यंत चक्राकार वाऱ्यांची स्थिती सक्रिय झाली आहे. उत्तर भारतातील राज्यांमध्ये थंडीचा कडाका कमी-अधिक होत आहे. राज्यातही थंडी गायब झाली आहे. (Rain Update)
हवामान विभागाकडून या जिल्ह्यांना यलो अलर्ट
जळगाव, अहिल्यानगर, छत्रपती संभाजीनगर, अमरावती, गोंदिया, नागपूर, जालना, बीड, भंडारा, चंद्रपूर,
धुक्यामुळं 30 फुटांवरील व्यक्तीही दिसेना
अकोल्यात तब्बल 2 तास दाट धुके पाहायला मिळाले. धुक्यामुळं 30 फुटांवरील व्यक्तीही दिसेना झाला होता. अकोला शहरावर आज सर्वत्र धुक्याची चादर पसरली आहे. पहाटे 6 वाजेपासून धुके दाटले. ते सकाळी 9 वाजले तरीही धुके कायम आहेत. दाट धुक्यामुळे काही अंतरावर दिसणेही अवघड झाले. काल सकाळी अकोल्यात पावसाने हजेरी लावली होती. तर आज सकाळी अकोल्यात सर्वत्र धुक्याची चादर पसरलेली दिसली. काल पासून अकोल्यात पावसाळी वातावरण आहे. मात्र, पहाटेपासून सर्वत्र धुके पडले असल्याने रस्त्यावरील व्यक्तीही दिसत नव्हते.
महत्त्वाच्या बातम्या
