Pune News: चिंताजनक! झिका रुग्णसंख्येत झपाट्याने वाढ; रुग्णांची संख्या २८ वर, आरोग्य विभाग अलर्ट मोडवर
Pune News: पुणेकरांसाठी महत्त्वाची आणि मोठी बातमी समोर आली आहे. शहर परिसरात झिका व्हायरसच्या रुग्णसंख्येत झपाट्याने वाढ होताना दिसत आहे. शहरात झिका व्हायरसच्या रुग्णांची संख्या 28 वर पोहोचली आहे.
Pune News: पुणेकरांसाठी महत्त्वाची आणि मोठी बातमी समोर आली आहे. शहर परिसरात झिका व्हायरसच्या (zika virus) रुग्णसंख्येत झपाट्याने वाढ होताना दिसत आहे. शहरात झिका व्हायरसच्या (zika virus) रुग्णांची संख्या 28 वर पोहोचली आहे. पश्चिम महाराष्ट्रात झिका व्हायरसचा वेगाने प्रसार होत असून रुग्णांची संख्या मोठ्या प्रमाणावर वाढताना दिसत आहे.रूग्णसंख्येत झपाट्याने वाढ होत असल्याच्या पार्श्वभूमीवर महानगर पालिकेच्या आरोग्य विभागाकडून स्वच्छता बाळगण्याचं आवाहन करण्यात आलंय आहे.
महापालिकेच्या आरोग्य विभागाकडून योग्य ती खबरदारी घेण्यात येत आहे. झिका व्हायरसचे (zika virus) रुग्ण आढळलेल्या तीन ते पाच किलोमीटर परिसरात स्क्रीनिंग करण्यास सुरुवात केली आहे. त्याचबरोबर संशयित रुग्णांच्या रक्ताचे नमुने पुण्यातील एनआयव्ही प्रयोगशाळेत तपासणीसाठी पाठवण्यात येत आहेत. झिका हा डासांमार्फत पसरणारा एक विषाणूजन्य आजार आहे. सध्या पावसाळा सुरू असल्याने मोठ्या प्रमाणावर डासांची उत्पत्ती होते. त्यामुळे रूग्णसंख्येत मोठी वाढ झाल्याचं दिसून येत आहे.
पश्चिम महाराष्ट्रावर झिकाचं सावट
पश्चिम महाराष्ट्रात झिका व्हायरसचा (zika virus) वेगाने प्रसार होत असून रुग्णांची संख्या 28 वर पोहोचली आहे. कोल्हापूर आणि संगमनेरमध्ये देखील झिका व्हायरसचे रूग्ण आढळले आहेत. झिका व्हायरसचा जास्त प्रमाणात धोका गर्भवती स्त्रियांना आहे. मुदतपूर्व प्रसूतीची देखील शक्यता वर्तविली जात आहे.
झिकापासून बचाव कसा कराल ?
झिकापासून बचाव करण्यासाठी आरोग्य विभागाने नियमावली जाहीर केली आहे. घरामध्ये डास होणार नाही, याची काळजी घ्या. घरात स्वच्छता ठेवा. मच्छरदाणीचा जास्तीत जास्त वापर करा. घरात साठवलेले पाणी जास्त काळ ठेवू नका. घराच्या खिडक्या आणि दरवाज्यांना जाळी लावा. आपल्या परिसरातदेखील स्वच्छता बाळगण्याचं आवाहन झिका (Zika Virus) आणि डेंग्युच्या पार्श्वभूमीवर करण्यात आलं आहे.
झिका व्हायरसचा (zika virus) धोका गर्भवती माता आणि तिच्या गर्भाला जास्त असल्यामुळे त्यांच्या तपासणीसाठी आरोग्य विभागाने भर दिला आहे. झिकाच्या एकूण रुग्णांपैकी सर्वाधिक प्रमाण हे गर्भवती मातांचे आहे.
झिका विषाणूपासून (zika virus) बचाव करण्यासाठी घराभोवती पाणी साचू देऊ नका. पाणी साचलेल्या ठिकाणी डासांची उत्पत्ती मोठ्या प्रमाणात होते. घरामध्ये डास शिरणार नाही याची काळजी घ्या. डास चावणार नाही याची काळजी घ्या. घरात डास आले तर त्यासाठी कडुलिंबाचा पाला जाळा. संध्याकाळी दारे खिडक्या उघड्या ठेऊ नका. कापूराचा वापर करून तुम्ही १५ ते २० मिनिटात डासांना दूर पळवू शकता. कडुलिंब आणि नारळाचं तेल एकत्र करून आपल्या शरीरावर चोळा. दोन दिवस ताप राहिल्यास वेळीच डॉक्टरांचा सल्ला घ्या.
महत्त्वाच्या बातम्या
