koyta gang : कोयता गॅंग इज बॅक! 'आम्ही या एरियातील भाई', कोयता गॅंगची पुन्हा दहशत; चार जण अटकेत

 पुण्यात पुन्हा कोयता गॅंग (Koyta gang) सक्रिय झाली आहे. आम्ही  (Pune crime) एरिया मधील भाई म्हणत चार तरुणांनी कोयते घेऊन दहशत माजवली आहे.

crime

Source : Abp Live

Pune Koyta gang :   पुण्यात पुन्हा कोयता गॅंग (Koyta gang) सक्रिय झाली आहे. आम्ही  (Pune crime) एरिया मधील भाई म्हणत चार तरुणांनी कोयते घेऊन दहशत माजवली आहे. पुण्यातील उत्तमनगर भागात चार जणांनी कोयता घेऊन पुन्हा एकदा दहशत निर्माण केली आहे. यामुळे परिसरात सगळीकडे भीतीचं वातावरण निर्माण झालं आहे. या चारही जणांना पुणे पोलिसांन अटक केली आहे. 

चंद्रकांत सुतार (30), सूरज गायकवाड (22), राहुल धोडगे (28), अथर्व यनपुरे (19) असे अटक केलेल्या आरोपींची नावे आहेत. या चार जणांनी उत्तम नगर परिसरात कोयते घेऊन दहशत माजवली होती. बळजबरी करायचा प्रयत्न केला आहे. त्यामुळे परिसरात खळबळ उडाली होती आणि या परिसरात भीतीचं वातावरणदेखील निर्माण झालं आहे. 

पोलिसांनी दिलेल्या माहितीनुसार, हे चार ही आरोपी मद्यधुंद अवस्थेत असताना त्यांची कोणाशी तरी शाब्दिक बाचाबाची झाली. त्यानंतर या चारही जणांनी मिळून त्या व्यक्तींना शोधण्यासाठी उत्तमनगर भागातील कोंढवे धावडे परिसरात या ठिकाणी आले. या परिसरात येताच त्यांनी त्यांच्या जवळील कोयते काढले आणि दुचाकीवरून परिसरात दहशत माजवली. "आम्ही या एरिया मधील भाई आहोत, कोणी आमच्यामध्ये आलं तर खल्लास करून टाकू" असे म्हणत त्यांनी नागरिकांवर कोयते उगारले. दरम्यान, त्यांनी या ठिकाणी असलेल्या एका दुकानातील फ्रिजवर पडलेला पेव्हर ब्लॉक मारला. या घटनेमुळे परिसरात काहीसा तणाव निर्माण झाला होता. काही वेळ गोंधळ घातल्यानंतर या चार जणांनी तिथून पळ काढला. पोलिसांनी तात्काळ या घटनेची नोंद घेऊन या सगळ्यांना अटक केली आहे. याप्रकरणी उत्तमनगर पोलिस अधिक तपास करत आहेत.

कोयगा गॅंगची दहशत संपेना...

मागील सहा महिन्यांपासून पुण्यात दहशत माजवणाऱ्या गॅंग धुमाकूळ घालत आहे. कोयता गॅंग आणि चुहा गॅंगच्या अनेक आरोपींना पोलिसांनी जेरबंद केलं आहे. मात्र या गॅंग अजूनही दहशत माजवत आहेत. त्यामुळे पुणे पोलीस चांगलेच अॅक्शन मोडवर आले आहेत. कोयता विक्रेत्यांवर कारवाई केली आहे. त्यासोबतच अनेक कोयतेदेखील जप्त केले आहेत. पुणे शहरामध्ये गुन्हेगारी रोखण्यासाठी पुणे पोलीस ॲक्शन मोडवर आल्याचं दिसत आहे. पुण्यात मोठ्या प्रमाणात गर्दीची अनेक ठिकाणं आहेत. या सर्व ठिकाणी गाडी घेऊन पेट्रोलिंग करणं शक्य होत नाही. त्यामुळे गर्दीच्या ठिकाणी पायी पेट्रोलिंग पोलिसांकडून सुरू करण्यात आलं आहे. पायी पेट्रोलिंगमुळे जनतेशी संवादही साधता येतो आणि गुन्हेगारीलाही आळा बसतोय, असे पोलिसांकडून सांगण्यात येत आहे.