Ashadhi Wari 2022: वारकऱ्यांनो इंद्रायणीचं पाणी चुकूनही पिऊ नका; आळंदी नगरपरिषदेचा आदेश

वारकऱ्यांनी विहीर, नदीतील पाणी पिऊ नये. त्या व्यतिरिक्त नळाचं किंवा सार्वजनिक ठिकाणी पाण्याची सोय असेल तरच पाणी प्यावे, अशा सूचना आळंदी नगरपरिषदेकडून देण्यात आल्या आहे.

Pune

Ashadhi Wari 2022: इंद्रायणी नदीचे दूषित पाणी वापरू नये, असे आवाहन आळंदी नगरपरिषदेने केले आहे. पुढील काही दिवस लोकांनी प्रदूषित पाणी वापरू नये, असे आवाहन करणारा आदेश जारी करण्यात आला आहे. उद्या पालखी निघणार आहे. वारी पंढरीला जाणार आहे. राज्यभरातून भाविक आळंदीत वारकरी दाखल झाले आहेत. अनेक वारकरी या नदीचं पाणी पितात. नदीचं पाणी दुषित असल्याने नदीचं पाणी पिऊ नका, असं आवाहन नगर परिषदेकडून करण्यात आलं आहे. आळंदी नगरपरिषदेने यापूर्वीच वारकऱ्यांना सावध केले आहे

राज्यभरातून वारकरी आळंदीत येतात. ते नदीत स्नान करतात. काही जण नदीचे पाणीही पितात. यामुळे आरोग्याच्या समस्या उद्भवू शकतात. त्यामुळे ही प्रथा बंद करण्यासाठी आम्ही विशेष आदेश जारी केला आहे, आळंदी नगरपरिषदेचे मुख्याधिकारी अंकुश जाधव म्हणाले. गेल्या काही दिवसांपासून नदीच्या पाण्यात विषारी फेसाचा जाड थर तयार झाला आहे. यामुळे वारकऱ्यांचे आरोग्य धोक्यात येऊ शकते, असा इशाराही देण्यात आला आहे.

पालखी प्रस्थान सोहळा उद्या 21 जून रोजी आळंदीत होणार आहे. त्यात सहभागी होण्यासाठी वारकरी येथे पोहोचले आहेत. नदीपात्रातील गाळ काढण्याचे काम युद्धपातळीवर सुरू असल्याचे जाधव यांनी सांगितले. 
जिथे बहुतेक वारकरी नदीत पवित्र स्नान करतात शनिवारी आम्ही घाट परिसरातील जलकुंभ साफ केले आहेत, 

नदीच्या स्वच्छतेसाठी टीम तयार करण्यात आली आहे. टीमने आधीच नदीतून एक तलाव खोदला आहे. याशिवाय राज्याच्या पाटबंधारे विभागाने शनिवारी देहूतील धरणातून पाणी सोडले आहे. अनेक भाविक इंद्रायणी नदीत स्नान करत आहेत. काही भाविक तीर्थक्षेत्र म्हणून इंद्रायणीचे पाणी पितात. मात्र आता इंद्रायणीचे पाणी अशुद्ध झाले आहे. या पाण्याने आंघोळ करणे आणि अवयव धुणे देखील आरोग्यास हानिकारक ठरू शकते. या या सर्व आरोग्य समस्यांबाबत आळंदी नगरपरिषदेने यापूर्वीच वारकऱ्यांना सावध केले आहे.

आळंदी शहराला भामा आसखेड धरणाचं पाणी येतं. इंद्रायणी नदीचंं पाणी गावकऱ्यांना येत नाही. त्यामुळे वारकऱ्यांनी विहिर, नदीतील पाणी पिऊ नये. त्या व्यतिरिक्त नळाचं किंवा सार्वजनिक ठिकाणी पाण्याची सोय असेल तरच पाणी प्यावे, अशा सुचना आळंदी नगरपरिषदेकडून देण्यात आल्या आहे.