Pimpri Chinchwad Fire : पिंपरी-चिंचवडमध्ये फटाक्याच्या गोदामाला भीषण आग, सहा जणांचा होरपळून मृत्यू

पिंपरी चिंचवडमध्ये मोठी आग लागलेली आहे, आगीत सहा जणांचा होरपळून मृत्यू झालाय तर आणखी काही कामगार त्यात फसल्याच बोललं जातंय. तळवडे येथील फटाका गोदामाला ही आग लागली.

pimpri chinchwad fire

पिंपरी-चिंचवड : पिंपरी चिंचवडमध्ये (Pimpri-Chinchwad) मोठी आग लागली. आगीत सहा जणांचा होरपळून मृत्यू झाला आहे. पिंपरी- चिंचवडमधील तळवडे एमआयडीसीत असलेल्या फटाक्यांच्या गोदामाला आग लागली. काही वेळातच अग्निशमन दलाच्या जवानांना आग आटोक्यात आणण्यात यश आलं आहे. हे फटाका गोदाम  विनापरवाना सुरू होते, असंही म्हटलं जात आहे. 

काहीवेळा पूर्वी लागलेल्या या आगीवर अग्निशमन दलाचे जवान नियंत्रण मिळवलं आहे. दुसरीकडे सात ते आठ रुग्णवाहिका घटनास्थळी दाखल आहेत. आत्तापर्यंत सहा मृतदेह बाहेर काढण्यात आलेल्या आहेत, आणखी कामगारांचा शोध सुरु आहे.  वाढदिवसाल्या लावण्यात येणाऱ्या स्पार्कल्सचा हा कारखाना होता. या लागलेल्या आगीत कारखान्यातील वस्तू जळून खास झाल्या आहेत. 

काय म्हणाले पिंपरी चिंचवड पालिका आयुक्त शेखर सिंह?

या दुर्घटनेत सहा जणांचा मृत्यू झाला आहे अशी माहिती पिंपरी चिंचवड पालिका आयुक्त शेखर सिंह यांनी दिली. ते म्हणाले की, मृतांची नावे अद्याप समजू शकलेली नाही पोलीस घटनास्थळी दाखल झाली असून बचाव कार्य सुरू आहे वाढदिवसाच्या केक वर लावण्यात येणाऱ्या फुलझडी मेणबत्ती बनवण्याचा  कारखान्यात ही दुर्घटना घडली आहे. काही कामगार  गंभीर जखमी झाले आहेत. त्यांना वायसीएम रुग्णालयात दाखल करण्यात आलं आहे. 

या आगीत मृत्यू झालेल्या सहा जणांची ओळख अजूनही पटलेली नाही मात्र यात 8 जण गंभीर जखमी झाले असून त्यांच्यावर उपचार सुरु आहे. जखमींमध्ये 7 महिला तर एका पुरुषाचा समावेश आहे. या सगळ्या जखमींवर वायसीएम रुग्णालयात उपचार करण्यात येत आहे. या कारखान्यात जवळपास 20 ते 25 कामगार काम करत होते. मात्र दुपारच्या सुमारात आग लागली आणि कामगारांनी आरडा ओरड सुरु करत या कारखान्यातून बाहेर पडले. मात्र सहा जण याच आगीतून स्वत:चा बचाव करण्यात अपयशी ठरले आणि त्यांचा होरपळून मृत्यू दुर्दैवी मृत्यू झाला आहे.

 

जखमींची नावं

उषा पाडवी (वय- 40)
कविता राठोड (वय-35)
रेणुका तातोड (वय-20)
कमल चोरे (वय-35) 
शरद सुतार (वय-50)
प्रियंका यादव (वय-32)
सुमन राधा (वय-40)
अपेक्षा तोरणे (वय-18)

अनधिकृत फटाक्याचा कारखाना, महापालिका कारवाई करणार का?

 

 पिंपरी-चिंचवडमध्ये अनेक कारखाने अवैधरित्या चालतात. याच्या बातम्या आपण पाहिल्या आहेत. मात्र या भीषण आगीच्या निमित्ताने पुन्हा एकदा अवैधरित्या चालणाऱ्या गोदामाचा प्रश्न ऐरणीवर आला आहे. त्यामुळे आता अशा अवैध कंपन्या किंवा गोदामावर पिंपरी-चिंचवड महापालिका काय कारवाई करणार? हे पाहणं महत्वाचं असणार आहे.

 

इतर महत्त्वाच्या बातम्या :