हेल्मेट न घातल्याने पोलिसांनी मनोज तिवारींना ठोठावला दंड, ट्वीट करत म्हणाले...

Traffic Police: दिल्लीतील लाल किल्ला परिसरात ‘हर घर तिरंगा’ बाईक रॅलीदरम्यान हेल्मेट न घातल्याबद्दल दिल्ली वाहतूक पोलिसांनी बुधवारी भारतीय जनता पक्षाचे (भाजप) खासदार मनोज तिवारी यांना दंड ठोठावला.

Manoj Tiwari

Delhi Traffic Police: दिल्लीतील लाल किल्ला परिसरात ‘हर घर तिरंगा’ बाईक रॅलीदरम्यान हेल्मेट न घातल्याबद्दल दिल्ली वाहतूक पोलिसांनी बुधवारी भारतीय जनता पक्षाचे (भाजप) खासदार मनोज तिवारी यांना दंड ठोठावला. दिल्ली वाहतूक पोलिसांनी ही माहिती दिली आहे.

यानंतर आपण दंड भरणार असल्याचे तिवारी यांनी ट्वीट करत सांगितले. त्यांनी ट्वीटमध्ये लिहिलं आहे की, “आज हेल्मेट न घातल्याबद्दल मनापासून खेद वाटतो. मी दंड भरेन. तुम्हा सर्वांना विनंती आहे की हेल्मेट न घालता दुचाकी चालवू नका.''

Very Sorry for not wearing helmet today. I will pay the challan @dtptraffic 🙏 .. clear number plate of vehicle is shown in this photo and location was Red Fort.
आप सब से निवेदन है कि बिना हेल्मेट two wheeler नही चलायें #DriveSafe family and friends need you 🙏 pic.twitter.com/MrhEbcwsxZ

— Manoj Tiwari 🇮🇳 (@ManojTiwariMP) August 3, 2022

एका वरिष्ठ पोलीस अधिकाऱ्याने सांगितले की, मनोज तिवारी याना हेल्मेट न घालणे, विना परवाना आणि पीयूसी नोंदणी प्रमाणपत्राशिवाय बाईक चालवल्याबद्दल चालान बजावण्यात आले आहे. त्यांनी सांगितले की, दुचाकीच्या मालकालाही दंड ठोठावण्यात आला आहे.

भाजप दिल्लीने तिरंगा बाईक रॅली काढली

भारताच्या स्वातंत्र्याच्या 75 व्या वर्धापन दिनानिमित्त साजरा करण्यात येत असलेल्या 'आझादी का अमृत महोत्सवा'अंतर्गत केंद्रीय मंत्री आणि खासदारांसह अनेक खासदारांनी बुधवारी लाल किल्ल्यावरून 'तिरंगा बाईक रॅली'ला सुरुवात केली. देशातील नागरिकांमध्ये देशभक्तीची भावना वाढावी, या उद्देशाने ही तिरंगा बाइक रॅली काढण्यात आली.

इतर महत्वाच्या बातम्या: