Prashant Bamb on Teachers : भाजप आमदाराविरोधात आता भाजप आमदारांनीच उघडला मोर्चा, शिक्षण क्षेत्रावरील वक्तव्याचा निषेध

विधान परिषदेच्या शिक्षक व पदवीधर मतदारसंघाची गरज नाही असं म्हणणं म्हणजे गंगाधरराव फडणवीस आणि नितीन गडकरी सारख्या नेत्यांच्या योगदान विसरणं असं आहे हे बंब यांनी लक्षात ठेवावे असे गाणार म्हणाले.

आमदार नागो गाणार आमदार प्रशांत बंब

नागपूरः शिक्षक आणि शैक्षणिक क्षेत्राबद्दल केलेल्या वक्त्व्यावरुन भाजपचे आमदार प्रशांत बंब (MLA Prashant Bamb) यांच्या विरोधात आता भाजपमधीलच आमदारांनी मोर्चा उघडला आहे. याअंतर्गत आता विधान परिषदेच्या नागपूर विभाग शिक्षक मतदार संघाचे भाजप समर्थित आमदार नागो गाणार (Nago Ganar) यांनी प्रशांत बंब यांची पक्षश्रेष्ठींकडे तक्रार करणार आणि पक्षश्रेष्ठींनी त्यांना समज द्यावी अशी मागणी करणार असल्याचे सांगितले. भाजपचे आमदार प्रशांत बंब यांचे वक्तव्य संपूर्ण शिक्षक समुदायाचे अपमान करणारे असून ते बेताल वक्तव्य करत आहेत. त्यांना आपल्या वक्तव्यान संदर्भात लाज वाटली पाहिजे असा रोषही नागो गाणार यांनी व्यक्त केला आहे. 

आरोप लावणे आणि आरोप सिद्ध होणे यात फरत

विधान परिषदेच्या शिक्षक आणि पदवीधर मतदार संघाचे आमदार चुकीने वागणाऱ्या शिक्षकांना संरक्षण देत नाही. कोणावर आरोप लागणे आणि आरोप सिद्ध होणे यामध्ये फरक आहे. त्यामुळे जोवर एखाद्या शिक्षकाविरोधात दोष सिद्ध होत नाही, तोवर त्याच्याविरोधात कारवाई कशी करावी असा प्रश्नही त्यांनी विचारला आहे.

भाजपच्या मातब्बर नेत्यांकडेही होते प्रतिनिधीत्व

प्रशांत बंब विधान परिषदेच्या ज्या शिक्षक आणि पदवीधर मतदार संघाची आता गरज नाही असे मत व्यक्त करत आहेत त्याच शिक्षक आणि पदवीधर मतदारसंघाचे प्रतिनिधित्व स्वर्गीय गंगाधरराव फडणवीस (Devendra Fadanvis Father) ( देवेंद्र फडणवीसांचे वडील ) आणि भाजपचे मातब्बर नेते नितीन गडकरी (Nitin Gadkari) यांनी केले आहे, हे बंब यांनी विसरू नये, याची आठवणही गाणार यांनी करून दिली. त्यामुळे विधान परिषदेच्या शिक्षक व पदवीधर मतदारसंघाची गरज नाही असं म्हणणं म्हणजे गंगाधरराव फडणवीस आणि नितीन गडकरी सारख्या नेत्यांच्या योगदान विसरणं असं आहे हे बंब यांनी लक्षात ठेवावे असे गाणार म्हणाले.

शिक्षक आमदार अभिजीत वंजारी यांनीही घेतला समाचार

नागपूरः भाजपचे आमदार प्रशांत बंब यांचा बंब लीक झालाय, त्याला गळती लागली आहे. त्यामुळे ते असे बेताल वक्त्व्य करत आहेत. विधान परिषदेच्या शिक्षक आणि पदवीधर मतदारसंघाची निर्मिती घटनेने केली आहे. प्रशांत बंब यांच्या वडिलांनी केलेली नाही, अशी टीका विधानपरिषदेच्या नागपूर विभागाचे पदवीधर मतदारसंघाचे आमदार व काँग्रेस (Congress) नेते अभिजीत वंजारी (Abhijit Wanjari) यांनी केली आहे. प्रशांत बंब (Prashant Bamb) यांचे वक्तव्य अत्यंत चुकीचे असून शिक्षक आणि शिक्षण क्षेत्राच्या अवस्थेबद्दल सरकार आणि त्यांच्यासारखे आमदारच जबाबदार आहेत. त्यामुळे त्यांनी शिक्षकांवर आगपाखड करू नये असा इशाराही अभिजीत वंजारी यांनी गुरुवारी दिला होता.

इतर महत्त्वाच्या बातम्या