Nitesh Rane meets Parth Pawar: घरातला कर्ता माणूस गेलाय ओ, जरा भान ठेवा, नीचपणे वागू नका; नितेश राणेंची संजय राऊतांवर आगपाखड
Sanjay Raut on Ajit Pawar plane Crash: भाजपच्या भ्रष्टाचाराच्या फाईल माझ्याकडे आहेत, असं अजित पवारांनी १५ जानेवारीच्या एका भाषणात सांगितलं होतं. हे पुरावे अजित पवार स्वत:जवळ ठेवत.
Nitesh Rane and Sanjay Raut: अजित पवार यांनी भाजपच्या भ्रष्टाचाराचा उल्लेख केल्यानंतर 10 दिवसांमध्ये त्यांच्या विमानाचा अपघात झाला. अजित पवार भाजपच्या (BJP) भ्रष्टाचाराची फाईल नेहमी त्यांच्यासोबत घेऊन फिरायचे. अपघाताच्या दिवशीही ही फाईल विमानामध्ये असावी, असा संशय ठाकरे गटाचे खासदार संजय राऊत (Sanjay Raut) यांनी बोलून दाखला होता. त्यांच्या या वक्तव्याचा भाजपचे मंत्री नितेश राणे (Nitesh Rane) यांनी समाचार घेतला. अजित पवार यांना जाऊन फक्त चार-पाच दिवस झालेत. त्यावर तरी राजकारण करु नका, असे नितेश राणे यांनी म्हटले. नितेश राणे यांनी मंगळवारी बारामती येथे जाऊन पवार कुटुंबीयांची सांत्वनपर भेट घेतली. यावेळी ते प्रसारमाध्यमांशी बोलत होते.
अजितदादा यांना जाऊन आता जेमतेम 3 ते 4 दिवस झाले. त्यावर तरी राजकारण करू नका. त्यांच्या आत्म्याला जरा शांती मिळू द्या. हे सगळे विषय नंतर बोलता येत नाहीत का? काय घाई लागली आहे तुम्हाला? कुठले तर्क लावताय तुम्ही? काय संबंध आहे अमित शहांचा आणि पवार साहेबांच्या पक्षाचा? पवार कुटुंबाची अवस्था बघा. मी त्यांच्या घरात जाऊन आलो. तेवढीही माणुसकी संजय राऊतांनी दाखवली नाही. मी घरात जाऊन आलोय. काय अवस्था आहे ना त्या घराची, जाऊन त्यांनी बघून यावी आणि मग टीका करावी. सगळीकडे राजकारण? काहीतरी भान ठेवा. अगोदर आपण माणूस आहोत, मग कोण राजकारणी, कोण खेळाडू आहे. सगळीकडे राजकारण बरोबर नाही. एवढा नीचपणा राजकारणामध्ये पण बरोबर नाही. कुठेतरी स्तर राजकारणाला असला पाहिजे. कुठेतरी मर्यादा असल्या पाहिजेत. माणूस गेलाय हो, कर्ता माणूस घरातला गेलाय. जरा तरी भान ठेवा. सगळीकडे नीचपणाने वागू नका. महाराष्ट्राच्या कल्चरसाठी पण बरोबर नाही. ही महाराष्ट्राची संस्कृती नाही, असे नितेश राणे यांनी म्हटले.
सगळीकडे राजकारण करणं बरोबर नाही. संजय राऊत यांना फिलिंग्स आहेत का कोणाच्या कुटुंबाबद्दल? मी त्या माणसाच्या प्रश्नांना उत्तर का देऊ? आणि कुठली फाईल, कुठे आहे? हे संजय राऊतांना कोण सांगून करतंय का? अशाने संजय राऊत यांना कोण विचारणार नाही, असे नितेश राणे यांनी म्हटले.
आणखी वाचा
महत्त्वाच्या बातम्या
