Krishnaraaj Mahadik On Ravindra Chavan: अमित ठाकरेंविरोधात आंदोलन, रवींद्र चव्हाणांनी कान टोचले; आता कृष्णराज महाडिक यांची पहिली प्रतिक्रिया, म्हणाले...

Krishnaraaj Mahadik On Ravindra Chavan: भाजपच्या युवा मोर्चाच्या आंदोलनावरुन रवींद्र चव्हाण यांनी कान टोचले होते. आता यावर कृष्णराज महाडिक यांनी प्रतिक्रिया दिली आहे.

Krishnaraaj Mahadik On Ravindra Chavan

Source : ABP

Krishnaraaj Mahadik On Ravindra Chavan: मनसेप्रमुख राज ठाकरे (Raj Thackeray) यांचे पुत्र अमित ठाकरे (Amit Thackeray) यांनी पुण्यातील सरकारी कॉलेजच्या कार्यालयातून पंतप्रधान नरेंद्र मोदी (Narendra Modi) यांचा फोटो हटवल्याच्या मुद्द्यावरून भाजप आणि मनसेमध्ये सुरू असलेला वाद विकोपाला गेला. मुंबईतील माहीममध्ये भाजप आणि मनसेचे कार्यकर्ते आमने-सामने आल्याने तुफान राडा झाला. या आंदोलनावरुन भाजपचे प्रदेशाध्यक्ष रवींद्र चव्हाण (Ravindra Chavan) यांनी भाजप युवा मोर्चाचे प्रदेशाध्यक्ष कृष्णराज महाडिक यांचे कान टोचले. 

रवींद्र चव्हाण यांनी महाराष्ट्र युवा मोर्चाच्या कार्यपद्धतीवर तीव्र नाराजी (Ravindra Chavan On Krishnaraaj Mahadik) व्यक्त केली आहे. काल आलेला पोरगा (अमित ठाकरे) काही तरी बोलतो आणि आपण त्याविरोधात आंदोलन करतो हे चुकीचे आहे, असं रवींद्र चव्हाण यांनी म्हटले. मुंबई कार्यकारिणीच्या बैठकीत जाहीर व्यासपीठावरून चव्हाणांनी युवा मोर्चाला सुनावले. तुम्ही आणि मी सर्वजण पाहता, ते कालचं पोरगं कायतरी बोलतं, कोणतरी ते ऐकतं आणि कोणतरी  जाऊन ती तसबिरी काढतं, याविरोधात आपण आंदोलन करायला नव्हते पाहिजे. माझी युवा मोर्चाच्या कार्यकर्त्यांना विनंती आहे, नका आंदोलनं करु. हे काय करतायत, हे लक्षात घ्या. हे चुकीच्या पद्धतीने काम करत आहेत. मीच तो कार्यकर्ता आहे, मीच तो पदाधिकारी आहे. मला युवाशक्तीला कुठेही अडचणीत आणायचं नाही. आम्हाला युवकांना शिक्षित करायचे आहे, गुंड म्हणून तयार करायचे नाही, असे रवींद्र चव्हाण यांनी म्हटले. रवींद्र चव्हाण यांच्या या विधानावर आता कृष्णराज महाडिक यांनी प्रतिक्रिया दिली आहे. 

कृष्णराज महाडिक रवींद्र चव्हाणांच्या विधानावर काय म्हणाले? (Krishnaraaj Mahadik On Ravindra Chavan)

रवींद्र चव्हाणांच्या नेतृत्वाखाली आणि मार्गदर्शनाखाली आम्ही काम करतो. रवींद्र चव्हाण जो आदेश देतील, तो आम्ही पाळतो. आम्हाला व्यक्त व्हावसं वाटलं तसं आम्ही वागलो, असं कृष्णराज महाडिक म्हणाले. तसेच अशा प्रकारची आंदोलनं जेव्हा होतील, तेव्हा गुंड प्रवृत्तीचे कार्यकर्ते तयार होणार नाहीत, याबद्दल मी आमच्या वरिष्ठांना आश्वस्त करतो. आमची भूमिका ही नेहमी राष्ट्रहितासाठी आम्ही घेतो, असं कृष्णराज महाडिकांनी सांगितले. 

नेमकं प्रकरण काय, दादरमध्ये काय घडलं? (MNS BJP Rada Dadar Mahim Mumbai)

मनसेप्रमुख राज ठाकरे यांचे पुत्र अमित ठाकरे यांनी पुण्यातील सरकारी कॉलेजच्या कार्यालयातून पंतप्रधान नरेंद्र मोदी यांचा फोटो हटवल्याच्या मुद्द्यावरून भाजप आणि मनसेमध्ये सुरू असलेला वाद विकोपाला गेला. काल 1 सप्टेंबरला मुंबईतील माहीममध्ये भाजप आणि मनसेचे कार्यकर्ते आमने-सामने आल्याने तुफान राडा झाला. पंतप्रधान नरेंद्र मोदी यांचा फोटो अमित ठाकरे यांनी हटवल्याच्या निषेधार्थ आज भारतीय जनता युवा मोर्चाच्या वतीने माहीममध्ये आंदोलनाची घोषणा केली होती. या आंदोलनाच्या पार्श्वभूमीवर शिवतीर्थ आणि मनसेच्या कार्यालयाबाहेर महाराष्ट्र सैनिकांची मोठ्या प्रमाणात गर्दी झाली होती. बराच वेळ भाजपाचे आंदोलक शिवतीर्थ परिसरात न आल्याने मनसेच्या कार्यकर्त्यांनी भाजयुमोच्या आंदोलनस्थळाकडे धडक दिली, त्यामुळे परिस्थिती तणावपूर्ण बनली. पोलिसांनी दोन्ही बाजूच्या कार्यकर्त्यांची धरपकड करून आंदोलन पांगवण्याचा प्रयत्न केला. गजानन काळेंसह मनसैनिकांना पोलिसांनी ताब्यात घेतलं. 

कृष्णराज महाडिक काय काय म्हणाले?, VIDEO:

संबंधित बातमी: