Hitendra Thakur On Bahujan Vikas Aghadi Merge In Shivsena: बहुजन विकास आघाडी शिवसेनेत विलीन होणार?; हितेंद्र ठाकूर यांची पहिली स्फोटक प्रतिक्रिया, राज्याचं लक्ष वेधलं!

Hitendra Thakur On Bahujan Vikas Aghadi Merge In Shivsena: हितेंद्र ठाकूर बहुजन विकास आघाडी शिवसेनेत विलीन करणार की नाही?, याकडे राज्याचं लक्ष लागलं आहे.

Hitendra Thakur On Bahujan Vikas Aghadi Merge In Shivsena

Source : ABP

Hitendra Thakur On Bahujan Vikas Aghadi Merge In Shivsena: आगामी  स्थानिक स्वराज्य संस्थांच्या विधान परिषदेच्या निवडणुकीवरुन (Vidhan Parishad Election 2026) राज्यात विविध घडामोडी घडताना दिसत आहे. याचदरम्यान, ठाणे विधान परिषदेतून बहुजन विकास आघाडीचे नेते क्षितीज ठाकूर (Kshitij Thakur) यांना उमेदवारी दिली जाणार असल्याची माहिती समोर आली होती. तसेच बहुजन विकास आघाडी शिवसेनेत विलीन करण्याचा प्रस्तावही उपमुख्यमंत्री एकनाथ शिंदे यांनी हितेंद्र ठाकूर (Hitendra Thakur) यांना दिल्याची सूत्रांची माहिती आहे. आता याच चर्चांवर बहुजन विकास आघाडीचे सर्वेसर्वा हितेंद्र ठाकूर यांनी पहिली प्रतिक्रिया दिली आहे. (Hitendra Thakur On Bahujan Vikas Aghadi Merge In Shivsena)

घोडा मैदान जवळ आहे. लवकरच भूमिका स्पष्ट होईल. सगळ्यांना माहिती लवकरच कळेल, असं हितेंद्र ठाकूर म्हणाले. तसेच माझ्यासोबत इतर घटक पक्ष आहे. हे सर्व लवकरच कळेल. रवींद्र फाटक हे विधानपरिषदेसाठी मदत मागण्यासाठी आले होते, अशी माहितीही हितेंद्र ठाकूर यांनी दिली. दरम्यान, वसई-विरार महापालिकेत बहुजन विकास आघाडीचे एकूण 71 नगरसेवक आहेत. त्यामुळे बहुजन विकास आघाडी नेमकी कोणती भूमिका घेणार?, हितेंद्र ठाकूर आपला पक्ष शिवसेनेत विलीन करणार की नाही?, याकडे राज्याचं लक्ष लागलं आहे. (Hitendra Thakur On Bahujan Vikas Aghadi Merge In Shivsena)

एकीकडे क्षितीज ठाकूरांची चर्चा, दुसरीकडे रवींद्र फाटक यांची उमेदवारी निश्चित- (Thane Vidhan Parishad Election 2026)

ठाणे विधान परिषदेसाठी रवींद्र फाटक (Ravindra Pathak) यांची उमेदवारी जवळपास निश्चित झाली आहे. उपमुख्यमंत्री एकनाथ शिंदे (Eknath Shinde) यांच्याकडून याबाबत लवकरच अधिकृत घोषणा होणार आहे. शिवसेनेकडून ठाणे विधान परिषदेतून बहुजन विकास आघाडीचे नेते क्षितीज ठाकूर यांना उमेदवारी दिली जाणार असल्याची चर्चा रंगली होती. यासाठी एकनाथ शिंदेंनी हितेंद्र ठाकूर यांना बहुजन विकास आघाडी शिवसेनेत विलीन करण्याचा प्रस्तावही दिल्याचा सूत्रांची माहिती होती. परंतु आता रवींद्र फाटक यांचं नाव निश्चित झालं आहे.

शिवसेनेकडून 6 जागांची मागणी- (Vidhan Parishad Election 2026 Shivsena)

विधान परिषदेच्या निवडणुकीसाठी 6 जागांची मागणी शिवसेनेकडून करण्यात आली होती. नाशिक ठाणे आणि जळगावच्या जागांसाठी शिवसेनेने आग्रही भूमिका घेतली होती. आतापर्यंत झालेल्या बैठकीत शिवसेनेला ठाणे, नाशिक, यवतमाळ आणि परभणीची जागा सुटल्याची माहिती मिळत आहे. स्थानिक स्वराज्य संस्थांच्या विधान परिषदेच्या 17 जागांसाठी 18 जून रोजी मतदान तर 22 जून रोजी मतमोजणी (Vidhan Parishad Election 2026) होणार आहे. 

विधानपरिषद निवडणूकीचा संपूर्ण कार्यक्रम- (Vidhan Parishad Election 2026)

• निवडणुकीची अधिसूचना- 25 मे
• अर्ज भरण्याची शेवटची तारीख- 1 जून
• उमेदवारी अर्जांची छाननी- 2 जून
• अर्ज माघारीची मुदत- 4 जून 
• मतदान- 18 जून (स.8 ते दु.4)
• मतमोजणी- 22 जून 

एकनाथ शिंदेंचं मिशन पक्षविस्तार, ठाणे विधान परिषदेत मोठा ट्विस्ट, VIDEO:

संबंधित बातमी: