Shivsena : भाजपची वाट न पाहता पूर्व विदर्भात शिवसेनेना स्वबळाची तयारीत; 56 नगरपंचायत, नगरपरिषदेसाठी तेराशे एबी फार्मचं वाटप!
Nagpur News : पूर्व विदर्भातील (East Vidarbha) 56 नगरपंचायत, नगरपरिषदच्या निवडणुकीसाठी उपमुख्यमंत्री एकनाथ शिंदे (Eknath Shinde) यांच्या शिवसेनेने 1300 एबीफार्म (AB Form) दिले आहे.
Nagpur News : पूर्व विदर्भातील (East Vidarbha) 56 नगरपंचायत, नगरपरिषदच्या निवडणुकीसाठी उपमुख्यमंत्री एकनाथ शिंदे (Eknath Shinde) यांच्या शिवसेनेने 1300 एबीफार्म (AB Form) दिले आहे. त्यामुळे भाजपची (BJP) वाट न पाहता शिवसेना विदर्भात स्वबळाच्या तयारीत असल्याचे दिसत आहे. शिवसेनेचे आमदार कृपाल तुमाने (Krupal Tumane) यांनी याची तशी पुष्टी देखील केली आहे. महायुतीच्या घटक पक्षांसोबत आघाडी व्हावी, हा आमचा प्रयत्न शेवटपर्यंत राहणार आहे. मात्र युती झाली नाही तर आम्ही सर्वच जागी उमेदवार उतरवू, असे कृपाल तुमाने म्हणाले. त्यामुळे नागपूरसह पूर्व विदर्भात आता महायुतीत ऑल इज वेल नाही का? असा प्रश्न उपस्थित झाला आहे.
दरम्यान, येत्या 14 तारखेपर्यंत भाजपने स्थिती स्पष्ट करावी, अन्यथा महायुतीच्या स्वरूपात आम्ही भाजप वगळून तयारी करू, असे गंभीर राजकीय संकेत शिवसेनेच्या नेत्यांनी दिले होते. मात्र अद्याप परिस्थिती जैसे थेच आहे. परिणामी, नागपुरात मोठा भाऊ असलेल्या भाजपच्या (BJP) भूमिकेमुळे महायुतीतील छोटे पक्ष भाजप वगळून वेगळी महायुती (Mahayuti) करण्याच्या तयारीत आहेत का?? असा प्रश्न निर्माण झाला आहे. शिवसेनेच्या पुढाकाराने नुकतेच नागपूरात महायुतीच्या भाजप वगळून उर्वरित पक्षांची म्हणजेच शिवसेना(Shivsena), राष्ट्रवादी काँग्रेस(NCP), रिपब्लिकन पार्टी ऑफ इंडिया (आठवले गट) बहुजन रिपब्लिकन एकता मंच (BREM) आणि पीपल्स रिपब्लिकन पार्टी (PRP) ची बैठक संपन्न झाली.
Krupal Tumane : भाजपने वेळीच आपले पत्ते खुले केले नाही, तर....
आम्हा सर्वच पक्षांना महायुती करायची आहे. मात्र भाजपने वेळीच आपले पत्ते खुले केले नाही, तर आमचीही तयारी झाली आहे. नागपूर जिल्ह्यातील सर्व 15 नगरपरिषद आणि 12 नगरपंचायतीमध्ये आमचे उमेदवार आणि त्यांचे बी फार्म तयार असल्याचा इशारा शिवसेनेने दिला होता. त्यामुळे आता भाजपची वाट न पाहता पूर्व विदर्भात शिवसेनेना स्वबळाची तयारीत असल्याच्या शक्यतेला अधिक बळ प्राप्त झाले आहे.
भंडाऱ्यात भाजपचा 'एक ला चलो रे' म्हणत सुपर प्रचाराचा धडाका
राज्यात शिंदेंची शिवसेना आणि अजित पवारांच्या राष्ट्रवादीसोबत सत्तेत सहभागी असलेल्या भाजपनं भंडाऱ्यात नगरपालिका निवडणुकीसाठी "एक ला चलो रे" ची भूमिका ठरवली आहे. भाजपानं भंडारा नगराध्यक्ष पदाचा उमेदवार म्हणून मधुरा मदनकर यांना घोषित केलय. मात्र, अन्य कुठल्याही उमेदवारांची घोषणा झालेली नाही. किंबहुना सर्व नावं भाजपनं गुलदस्त्यात ठेवलेलं असताना दुसरीकडे मात्र, भाजपनं त्यांचा प्रचार धडाक्यात प्रचार सुरू केलाय.
भाजपचे निवडणूक प्रचार प्रमुख म्हणून आमदार परिणय फुके यांच्यावर जबाबदारी असून त्यांनी डोअर टू डोअर प्रचार मोहीम सुरू केली आहे. भाजपाच्या एकाही उमेदवाराचं नामांकन दाखल झालेलं नसताना त्यांनी सुरू केलेल्या प्रचाराच्या धडक मोहिमेला भंडारा शहरातून उत्स्फूर्त प्रतिसाद मिळत असल्याचं बघायला मिळत आहे. तीन तारखेला निवडणुकीच्या निकालानंतर भंडारा शहरवासीयचं नाही तर, संपूर्ण जिल्हावासीय भाजपाच्या विजयाचा जल्लोष करण्यासाठी भंडाऱ्यात रस्त्यावर उतरणार असल्याचा विश्वास भाजप नेते आमदार परिणीय फुके यांनी व्यक्त केला आहे.
संबंधित बातमी:
महत्त्वाच्या बातम्या
