Dhairyasheel Patil, Rajyasabha Candidate : भारतीय जनता पक्षाच्या केंद्रीय निवडणूक समितीने विविध राज्यात होणाऱ्या आगामी राज्यसभा निवडणुकीसाठी उमेदवारांची यादी जाहीर केली आहे. महाराष्ट्रातून भाजपने धैर्यशील पाटील (Dhairyasheel Patil) यांना उमेदवारी देण्यात आली आहे. रायगड जिल्ह्यातील धैर्यशील पाटील (Dhairyasheel Patil) भाजपचे राज्यसभा उमेदवार (Rajyasabha Candidate) असणार आहेत.
भाजपकडून राज्यसभेसाठी कोणा कोणाला उमेदवारी देण्यात आलीये?
आसाम - मिशन रंजन दास , रामेश्वर तेली
बिहार - मनन कुमार मिश्र
हरियाणा - श्रीमती किरण चौधरी
मध्य प्रदेश - जॉर्ज कुरियन
महाराष्ट्र - धैर्यशील पाटील
ओडिशा - श्रीमती ममता मोहंता
राजस्थान - सरदार रबनित सिंह बट्टू
त्रिपुरा - राजीव भट्टाचार्जी
रायगड राज्य सभेसाठी धैर्यशील पाटील यांना उमेदवारी जाहीर
धैर्यशील पाटील माजी आमदार आणि भारतीय जनता पार्टीचे विद्यमान रायगड जिल्हाध्यक्ष
रायगड रत्नागिरी लोकसभा निवडणूक रिंगणात उतरण्याची केली होती तयारी
महायुतीत उमेदवारीची हुकली होती संधी
राज्यसभा पोटनिवडणुकीत धैर्यशील पाटील यांचे नाव घोषित
भाजप कार्यकर्ते पदाधिकारी यांच्यात उत्साहाचे वातावरण
रायगडसह कोकणात भाजप पक्ष संघटनेला मिळणार बळकटी
अजित पवारांच्या राष्ट्रवादीकडून नितीन पाटील यांना उमेदवारी मिळण्याची शक्यता
लोकसभा निवडणुकीमध्ये (Lok Sabha Election) उपमुख्यमंत्री अजित पवार (Ajit Pawar) यांनी सातारामधील (Satara News) वाईमध्ये झालेल्या राजकीय सभेमध्ये बोलताना साताऱ्याची जागा निवडून आणल्यास नितीन पाटील यांना खासदार करतो, असा शब्द दिला होता. आता हा शब्द अजित पवार यांनी पूर्ण केल्याची चर्चा आहे. एबीपी माझाला विश्वसनीय सूत्रांनी दिलेल्या माहितीनुसार राष्ट्रवादीच्या वाटेला येत असलेल्या एका राज्यसभेच्या जागेवर नितीन पाटील यांच्या नावावर जवळपास शिक्कामोर्तब करण्यात आलं आहे.
इतर महत्वाच्या बातम्या