Bajrang Sonawane, Beed Loksabha : बीड लोकसभा (Beed Loksabha) निवडणुकीमध्ये विजय झाल्यानंतर शरद पवारांच्या राष्ट्रवादीचे उमेदवार बजरंग सोनवणे (Bajrang Sonawane) यांनी बीड जिल्ह्यातल्या जनतेचे आभार मानले आहेत. शिवाय मनोज जरांगे पाटील (Manoj Jarange Patil) यांच्या फॅक्टरचा विजय आहे. बीडच्या मायबाप जनतेने धनदांडग्याला लोकांना नाही तर गरिबाच्या मुलाला निवडून दिलं आहे, असंही बजरंग सोनवणे (Bajrang Sonawane) म्हणाले. बीडमध्ये विजय मिळवल्यानंतर बजरंग सोनवणे यांनी पत्रकार परिषद घेतली. यावेळी ते बोलत होते. 


बीडमध्ये सोनवणे वि. मुंडे अटीतटीची लढत 


बीड लोकसभा मतादरसंघातील लढत ही अत्यंत महत्वपूर्ण मानली जात होती. कारण या मतदारसंघात दिग्गजांची प्रतिष्ठा पणाला लागली आहे. पंकजा मुंडे यांच्यासाठी पंतप्रधान नरेंद्र मोदींनी मतदारसंघात जाहीर सभा घेतल्या होत्या. तर बजरंग सोनवणे यांच्यासाठी देखील शरद पवारांनी ताकद लावली होती. त्यामुळं ही लढत अत्यंत तुल्यबळ मानली जात आहे. पंकजा मुंडे यांनी 34 हजारांचा लीड घेतला होता. तो बजरंग सोनवणे यांनी 4 ते 5 फेऱ्यांमध्ये मोडित काढला होता. आज सकाळपासूनच बीडमध्ये अटीतटीचा सामना पाहायला मिळत होता. बीड लोकसभा मतदारसंघ मराठा विरुद्ध ओबीसी राजकारणामुळे अतिशय संवेदनशील बनला होता. प्रत्येक फेरीत आघाडी घेणारा उमेदवार बदलत होता. त्यामुळे महाराष्ट्रात सर्वांत अटीतटीची लढत बीड लोकसभेत पाहायला मिळाली. 


मराठा आरक्षणाचा मुद्दा तापला 


बीड लोकसभा मतदारसंघात मराठा आरक्षणाचा मुद्दा सर्वांत तापलेला पाहायला मिळाला. मराठा आरक्षणाच्या मुद्द्यामुळे आणि मनोज जरांगे फॅक्टरमुळे मराठवाड्यातील अनेक जागांवर भाजपला पराभव स्वीकारावा लागल्याच्या चर्चा आहेत. बीडमध्ये लोकसभा निवडणूकीत सर्वांत मोठा परिणाम झाल्याचे बोलले गेले. ओबीसी विरुद्ध मराठा वादाने या मतदारसंघात जोर धरला होता. बीड लोकसभा मतदारसंघात भाजपने प्रीतम मुंडे यांचा पत्ता कट करत पंकजा मुंडे यांना मैदानात उतरवले होते. तर शरद पवारांच्या राष्ट्रवादीने बजरंग सोनवणे यांना आपल्या पक्षात खेचत उमेदवारी दिली होती. बीड लोकसभेत मतमोजणीच्या एक दिवसापूर्वी वातावरण चांगलच तापलेलं पाहायला मिळालं होतं. बजरंग सोनवणे येथे थेट निवडणूक अधिकाऱ्यांशी बाचाबाची झाली होती. 


इतर महत्वाच्या बातम्या 


Maharashtra Lok Sabha Election Result LIVE : बीड आणि वायव्य मुंबईत हायव्होल्टेज ड्रामा, मतमोजणीचं कन्फ्युजन संपेना, वाचा प्रत्येक क्षणाची अपडेट